Mið­stjórn Alþýðu­sam­bands Íslands (ASÍ) telur stjórn­völd vera í kjör­stöðu til að búa til óhagn­að­ar­drif­inn sam­fé­lags­banka sem myndi þjóna almenn­ingi og bjóða betri kjör á fjár­mála­þjón­ust­u. 

Þetta kemur fram á vef ASÍ.

Þar seg­ir: „Mið­stjórn ASÍ skorar á stjórn­völd að stofna óhagn­að­ar­drif­inn sam­fé­lags­banka enda er almenn­ingur lang­þreyttur á skorti á sam­keppni á fjár­mála­mark­aði, miklum kostn­aði og háu vaxta­stigi hér á land­i.  ­Með eign­ar­hlut sínum í rík­is­bönkum eru stjórn­völd í kjör­stöðu til að stofna óhagn­að­ar­drif­inn sam­fé­lags­banka, þar sem hags­munir neyt­enda verði hafðir að leið­ar­ljósi og skilið sé á milli áhættu­sæk­ins banka­rekst­urs og almennrar inn- og útlána­starf­sem­i. Mið­stjórn ASÍ telur að stofnun slíks sam­fé­lags­banka geti verið mik­il­væg leið til að auka heil­brigði fjár­mála­mark­aðar og færa vaxta­stig og kostnað nær því sem þekk­ist í nágranna­lönd­um.“

Íslenska ríkið er umfangs­mikið á fjár­mála­mark­aði, og er eig­andi Íslands­banka (100 pró­sent) og Lands­bank­ans (98,3 pró­sent). Þá á ríkið einnig Íbúða­lána­sjóð, og er mark­aðs­hlut­deild rík­is­ins á milli 70 og 80 pró­sent, þegar allt er saman tek­ið. 

Eigið fé Íslands­bank­ans og Lands­bank­ans er sam­tals yfir 400 millj­arðar króna. 

Sam­kvæmt stefnu stjórn­valda er að því stefnt að selja Íslands­banka en halda eftir kjöl­festu­hlut í Lands­bank­an­um, 30 til 40 pró­sent. Engar end­an­legar ákvarð­anir hafa þó verið teknar um þetta, en Banka­sýsla rík­is­ins fer með eign­ar­hluti rík­is­ins í bönk­un­um.