Nið­ur­stöður launa­grein­ingar varð­andi kyn­bund­inn launa­mun hjá for­sæt­is­ráðu­neyt­inu voru 0,73 pró­sent þegar búið var að taka til­lit til frá­vika sem leiða af ákvæðum laga, m.a. um launa­á­kvarð­anir emb­ætt­is­manna. 

Kyn­bund­inn launa­munur reynd­ist hins vegar vera 4,3 pró­sent þegar grein­ing var gerð á öllu úrtak­inu. Í báðum til­fellum var um að ræða hærri laun hjá konum en körl­u­m. 

Þetta kemur fram í svari Katrínar Jak­obs­dótt­ur, for­sæt­is­ráð­herra, við fyr­ir­spurn Þor­steins Víglunds­son­ar, þing­manns Við­reisn­ar. 

Sam­kvæmt svar for­sæt­is­ráð­herra höfðu eft­ir­far­andi ráðu­neyti öðl­ast jafn­launa­vott­un, 1. febr­úar síð­ast­lið­inn: for­sæt­is­ráðu­neyti, mennta- og menn­ing­ar­mála­ráðu­neyti, fjár­mála- og efna­hags­ráðu­neyti, umhverf­is- og auð­linda­ráðu­neyti, dóms­mála­ráðu­neyti og vel­ferð­ar­ráðu­neyti. „Þau ráðu­neyti sem hafa lokið úttekt og bíða afhend­ingar vott­un­ar­skír­teinis voru sam­göngu- og sveit­ar­stjórn­ar­ráðu­neyti og atvinnu­vega- og nýsköp­un­ar­ráðu­neyti. Utan­rík­is­ráðu­neyti bíður eftir úttekt­ar­dag­setn­ingu frá vott­un­ar­að­ila,“ segir í svar­inu.