Starfs­greina­sam­band Íslands hefur vísað kjara­deilu sinni við Sam­tök atvinnu­lífs­ins til rík­is­sátta­semj­ara.

Í til­kynn­ingu frá sam­band­inu segir að það hafi átt í við­ræðum við Sam­tök atvinnu­lífs­ins um nýjan kjara­samn­ing frá því í októ­ber 2018. „Á þeim tíma hafa aðilar átt tæp­lega 80 fundi um sér­tæk mál, sem og hátt í 30 fundir við­ræðu­nefnda SGS og SA, um for­sendur og inni­hald nýs kjara­samn­ings. Ýmis­legt hefur þok­ast áfram á und­an­gengnum vikum í ein­stökum málum og umræðu­grund­völlur til staðar á öðrum svið­um. Þrátt fyrir það er það mat við­ræðu­nefndar Starfs­greina­sam­bands­ins að nú verði ekki kom­ist lengra nema með aðkomu rík­is­sátta­semj­ara að deil­unni, til að skipu­leggja og stýra áfram­hald­andi vinn­u.“

Starfs­greina­sam­bandið fer með umboð fyrir eft­ir­talin 16 aðild­ar­fé­lög; AFL Starfs­greina­fé­lag, Aldan stétt­ar­fé­lag, Báran stétt­ar­fé­lag, Dríf­andi stétt­ar­fé­lag, Ein­ing-Iðja, Fram­sýn stétt­ar­fé­lag, Stétt­ar­fé­lag Vest­ur­lands, Stétt­ar­fé­lagið Sam­staða, Verka­lýðs­fé­lag Snæ­fell­inga, Verka­lýðs­fé­lag Suð­ur­lands, Verka­lýðs­fé­lag Vest­firð­inga, Verka­lýðs­fé­lag Þórs­hafn­ar, Verka­lýðs­fé­lagið Hlíf, Verka­lýðs- og sjó­manna­fé­lag Bol­ung­ar­vík­ur, Verka­lýðs- og sjó­manna­fé­lag Kefla­víkur og nágrennis og Verka­lýðs- og sjó­manna­fé­lag Sand­gerð­is.

Verk­föll í deigl­unni

Fyrr í dag slitu Efl­ing, VR, Verka­lýðs­­fé­lag Akra­­ness og Verka­lýðs­­fé­lag Grinda­víkur kjara­við­ræðum sínum við Sam­tök atvinnu­lífs­ins.

Á vef Efl­ingar var í kjöl­farið birt yfir­­lýs­ing vegna þessa þar sem segir að „verka­­fólk á Íslandi hefur of lengi þurft að þola lág­­launa­­stefnu og stjórn­­­lausan ójöfn­uð. Verka­­fólk hefur skapað góð­æri síð­­­ustu ára með vinnu sinni. Atvinn­u­rek­endur hafa þó neitað að ganga að sann­­gjörnum kröfum Efl­ingar og sam­flots­fé­laga. Verk­­fall er þaul­­­reynd og lögvarin aðferð stétt­­ar­­fé­laga til að jafna hlut vinn­andi fólks gagn­vart atvinn­u­rek­end­­um.“