Til­boð Loft­leiða, dótt­ur­fé­lags Icelanda­ir, í 51 pró­sent hluta í rík­is­flug­fé­lag­inu Cabo Verde Air­lines á Græn­höfða­eyj­um, hefur verið sam­þykkt. 

Und­ir­skrift kaup­samn­ings er áætluð á morgun föstu­dag­inn 1. mars, segir í til­kynn­ingu frá Icelandair til kaup­hall­ar. 

„Icelandair Group telur að miklir mögu­leikar séu fyrir hendi til að byggja félagið upp sem öfl­ugt tengiflug­fé­lag með Græn­höfða­eyjar sem tengi­m­ið­stöð á milli heims­álfa. Mun sú reynsla og þekk­ing sem orðið hefur til í sams konar rekstri Icelandair þar með nýt­ast Cabo Verde Air­lines,“ segir í til­kynn­ing­unni.

Loft­leiðir Iceland­ic, sem er dótt­ur­fé­lag Icelandair Group, er eig­andi að 70 pró­sent hlut í Loft­leiðum Cabo Verde en aðrir hlut­hafar eiga 30 pró­sent. „Kaupin hafa óveru­leg áhrif á reikn­ings­skil Icelandair Group þar sem Cabo Verde Air­lines mun ekki verða hluti af sam­stæðu­reikn­ingi Icelandair Group. Eign­ar­hlut­ur­inn verður færður á meðal hlut­deild­ar­fé­laga,“ segir í til­kynn­ing­u. 

Eins og greint var frá fyrr í dag hækk­aði virði Icelandair umtals­vert í dag á mark­aði, eða um rúm­lega 7,5 pró­sent. Virði félags­ins er nú um 40 millj­arðar króna, en félagið hefur gengið í gegnum erf­ið­leika í rekstri að und­an­förnu, og tap­aði félagið 6,8 millj­örðum króna á fjórða árs­fjórð­ungi í fyrra.