Rekstr­ar­tekjur Félags­bú­staða námu rúmum 4 millj­örðum á árinu 2018 og juk­ust um tæp 10 pró­sent milli ára. Aukn­ing tekna skýrist af fjölgun leigu­í­búða á árinu 2018 en félagið leigir nú út tæp­lega 2600 íbúðir í Reykja­vík og vegna vísi­tölu­bund­innar hækk­unar leigu­verðs um 2,8 pró­sent á árinu. Rekstr­ar­gjöld hækk­uðu um 9 pró­sent milli áranna 2017 og 2018.

Þetta kemur fram í árs­reikn­ingi félags­ins fyrir árið 2018 sem stað­festur var af stjórn í gær.

Í til­kynn­ingu frá félag­inu kemur fram að sjóð­streymi Félags­bú­staða sýni að hand­bært fé frá rekstri sé 558 millj­ónir króna sam­an­borið við 653 millj­ónir árið áður. Afborg­anir lána nemi 641 millj­ónum króna og heilda­skuldir 41.052 millj­ónum króna. Þær hafi hækkað um 3.643 millj­ónir á árinu en Félags­bú­staðir keyptu fast­eignir fyrir 2.972 millj­ónir króna og vörðu 935 millj­ónum í við­hald á fast­eignum sínum á árinu.

Afkoma árs­ins fyrir fjár­magnsliði, eða EBIT, nam 1.816 millj­ónum króna eða 45,1 pró­sent af rekstr­ar­tekj­um. Mats­hækkun fjár­fest­inga­eigna fyrir árið nam 2.942 millj­ónum króna og hagn­aður árs­ins 2.384 millj­ónum króna.

Virði fjár­fest­inga­eigna í lok árs­ins er 83.203 millj­ónir krónur og eigið fé er 42.641 millj­ón­ir. Eig­in­fjár­hlut­fall í lok er 51 pró­sent og vaxta­ber­andi skuldir í lok árs nema 37.790 millj­ónum króna.

Bók­færður hagn­aður af rekstri Félags­bú­staða á árinu 2018 nam 2.384 millj­ónum króna og er hann allur til­kom­inn vegna hækk­unar á virði eigna sem tekur mið af fast­eigna­mati, segir í til­kynn­ing­unni.

Félagið er stærsti eig­andi félags­legs hús­næðis á land­inu og um leið stærsta leigu­fé­lag lands­ins. Leigu­í­búðum í eigu Félags­bú­staða í Reykja­vík hefur fjölgað um 400 frá árinu 2014 en í lok árs 2018 áttu Félags­bú­staðir 2.618 íbúð­ir. Stefnt er að því að þær verði orðnar 3.170 árið 2022.