Flóki Hall­dórs­son, sem hefur verið fram­kvæmda­stjóri Stefnis í ára­tug, mun láta af störfum um kom­andi mán­aða­mót og setj­ast í stjórn Stefn­is, sem er stærsta sjóð­stýr­ing­ar­fyr­ir­tæki lands­ins og í eigu Arion banka.

Alls eru 340 millj­arðar króna í virkri stýr­ingu hjá Stefni og hjá fyr­ir­tæk­inu starfa um 20 sér­fræð­ing­ar. Sjóðir stefnis eru til að mynda á meðal stærstu fag­fjár­festa á íslenskum hluta­bréfa­mark­aði.

Í frétta­til­kynn­ingu kemur fram að Flóki láti af störfum að eigin ósk. Við starfi Flóka tekur Jök­ull H. Úlfs­son og mun hann hefja störf þann 1. apr­íl. Í til­kynn­ing­unni segir að Jök­ull hafi starfað á fjár­mála­mark­aði und­an­farin 24 ár. „Á árunum 2002 til 2012 starf­aði hann við eigna­stýr­ingu hjá Arion banka og for­verum hans. Hann leiddi inn­leið­ingu straum­línu­stjórn­unar hjá bank­anum á árunum 2012 til 2015 eða allt þar til hann tók við sem for­stöðu­maður mannauðs bank­ans. Jök­ull hefur setið í stjórn Stefnis frá árinu 2014. Jök­ull er við­skipta­fræð­ingur frá Háskóla Íslands og hefur lokið prófi í verð­bréfa­við­skipt­u­m.“

Hrund Rud­olfs­dótt­ir, stjórn­ar­for­maður Stefn­is, segir að síð­ustu tíu ár hafi verið við­burða­rík. Þau hafi „ein­kennst af mark­vissri og árang­urs­ríkri upp­bygg­ingu sem leidd hefur verið af Flóka Hall­dórs­syni. Þó hann kjósi nú að leita á ný mið, þá er það ánægju­legt að hann hefur þekkst boð um að taka sæti í stjórn Stefnis á næsta aðal­fundi og mun félagið því áfram njóta hans þekk­ingar og reynslu. Fyrir hönd Stefnis vil ég þakka Flóka hans mikla fram­lag til félags­ins á þessum umbrota­tím­um, en per­sónu­lega fyrir ein­stak­lega ánægju­legt og árang­urs­ríkt sam­starf í heilan ára­tug. Ég vil jafn­framt bjóða Jökul vel­kom­inn til starfa og er þess full­viss að hans víð­tæka reynsla muni nýt­ast félag­inu vel til frek­ari upp­bygg­ingar á kom­andi árum.“