Lilja Dögg Alfreðs­dótt­ir, mennta- og menn­ing­ar­mála­ráð­herra, segir að íslenska hag­kerfið standi nú frammi fyrir miklum áskor­unum eftir mikið vaxt­ar­tíma­bil. Mik­il­vægt sé að takast á við þær af festu og ábyrgð. 

Þetta var meðal þess sem kom fram í erindi Lilju í Seðla­banka Dan­merk­ur. 

Staða og horfur efna­hags­mála voru til umfjöll­unar í fyr­ir­lestri Lilju. Fyr­ir­lest­ur­inn var hluti af Dan­merk­ur­ferð ráð­herra en að auki fund­aði hún með ráð­herrum mennta- og menn­ing­ar­mála og ræddi sam­starf ríkj­anna á þeim svið­um. „Góður árangur Íslands í efna­hags­málum eftir fjár­málakrepp­una 2008 hefur vakið eft­ir­tekt víða erlend­is. Staða lands­ins er ágæt að ýmsu leyti enda er skulda­staða rík­is­sjóðs góð í alþjóð­legum sam­an­burð­i, erlend staða þjóð­ar­bús­ins er jákvæð og gjald­eyr­is­vara­forði þjóð­ar­bús­ins öfl­ug­ur. Þannig hefur við­náms­þróttur hag­kerf­is­ins styrkst. Hins vegar stendur íslenskt efna­hags­líf frammi fyrir viða­miklum áskor­unum um þessar mundir eins og kólnun hag­kerf­is­ins, stöð­unni í kjara­við­ræð­um, horfum í ferða­þjón­ustu og ástandi loðnu­stofns­ins. Það er mik­il­vægt að takast á við þessar áskor­anir af festu og ábyrgð til að tryggja áfram­hald­andi lífs­kjara­sókn í land­in­u,“ sagði Lilja Alfreðs­dóttir meðal ann­ars, af því er fram kemur í til­kynn­ingu frá mennta- og menn­ing­ar­mála­ráðu­neyt­inu.

Lilja á sæti í ráð­herra­nefnd um efna­hags­mál og end­ur­skipu­lagn­ingu fjár­mála­kerf­is­ins. 

Hlut­verk nefnd­ar­innar er að hafa eft­ir­lit með fram­kvæmd efna­hags­stefn­unnar á ein­stökum sviðum en meðal verk­efna sem nefndin fjallar um er fram­tíð­ar­skipu­lag pen­inga­mála og sam­ræm­ing í fjár­málum hins opin­bera til skemmri og lengri tíma. Nefndin er auk þess ­stefnu­mót­andi og í for­ystu varð­andi sam­skipti við aðila vinnu­mark­að­ar­ins, upp­bygg­ingu fjár­mála­kerf­is­ins og stöðu Íslands á alþjóða­vett­vangi með til­liti til efna­hags­mála.