Efl­ing – stétt­ar­fé­lag hefur aflýst boð­uðum verk­falls­að­gerð­u­m 28. og 29. mars sem hefj­ast áttu innan örfárra klukku­tíma, eins og greint var frá í dag, en það sama gildir um VR. 

Í til­kynn­ingu segir að það hafi reynst vera til staða við­ræðu­grund­völl­ur. „Efl­ing aflýsir aðgerð­unum í ljósi þess að við­ræðu­grund­völl­ur hefur loks­ins reynst vera til staðar af hálfu Sam­taka atvinnu­lífs­ins. Þetta kom fram í við­ræðum SA við for­menn sam­flots­fé­laga í Karp­hús­inu síð­degis í dag,“ segir í til­kynn­ingu Efl­ing­ar.

Tekið er fram í til­kynn­ing­unni að verk­falls­að­gerðir haf skilað árangri. „Efl­ing þakkar félags­mönn­um, starfs­fólki og sjálf­boða­lið­u­m ­fyrir þá miklu vinnu sem þeir hafa lagt í und­ir­bún­ing og fram­kvæmd verk­falls­að­gerða, sem nú hafa skilað tak­mörk­uðum en þýð­ing­ar­miklum árangri,“ segir í til­kynn­ingu Efl­ing­ar.

Aðrir þættir boð­aðrar verk­falls­á­ætl­unar félags­ins standa, en næstu boð­uðu sól­ar­hrings­verk­föll félags­ins eru næst­kom­andi mið­viku­dag, fimmtu­dag og föstu­dag. Stræt­is­vagnar í rekstri Kynn­is­ferða hefja einnig háanna­tíma­verk­föll á mánu­dag­inn í næstu viku. „Efl­ing biður félags­menn að fylgj­ast vel með fréttum og til­kynn­ingum yfir helg­ina,“ segir í til­kynn­ingu Efl­ing­ar. 

Sam­kvæmt vef félags­ins eru félags­menn í Efl­ingu um 27 þús­und.