Mörg lítil og með­al­stór ferða­þjón­ustu­fyr­ir­tæki hafa fundið veru­lega fyrir falli WOW air og hafa afpant­anir verið tíð­ar, ekki síst hjá fyr­ir­tækjum í gisti- og veit­inga­þjón­ustu.

Á und­an­förnum tveimur dögum hafa yfir 1.500 manns misst vinn­una í upp­sögn­um, en um 1.100 manns unnu hjá WOW air, og hafa stétt­ar­fé­lög brugð­ust skjótt við áfall­inu. VR bauðst til að lána félags­mönnum fyrir kom­andi mán­að­ar­mót­um, og ætlar félagið að lýsa kröfu í bú WOW air og síðan verða kostn­aður gerður upp þegar Ábyrgð­ar­sjóður launa greiðir út. 

Á meðal stórra upp­sagna und­an­farna daga er upp­sögn á 315 starfs­mönnum hjá fyr­ir­tæk­inu Air­port Associ­ates en WOW air var þeirra stærsti við­skipta­vin­ur. Vonir standa til þess að hægt verði að end­ur­ráða hluta af starfs­mönn­unum aft­ur, en umfangs­mikil end­ur­skipu­lagn­ing á starf­sem­inni fer nú fram til að laga hana að breyttum veru­leika. 

Sam­kvæmt heim­ildum Kjarn­ans hefur Icelandair uppi áform um að auka enn frekar við starf­semi sína til að mæta brott­falli WOW air af mark­aðn­um, og verða þau áform kynnt á næstu dögum eða vik­um. 

Rekstr­ar­um­hverfið í flug­heim­inum hefur verið krefj­andi að und­an­förnu, ekki aðeins fyrir WOW air - sem end­aði með gjald­þroti - heldur flest flug­fé­lög. Icelandair tap­aði 6,8 millj­örðum á síð­ustu þremur mán­uðum síð­asta árs, og fyrstu mán­uðir þessa árs hafa líka verið erf­ið­ir. Eig­in­fjár­staða félags­ins er hins vegar traust, en eigið fé félags­ins var 55 millj­arðar króna í lok árs í fyrra.

Að mati Más Guð­munds­son­ar, seðla­banka­stjóra, á höggið af falli WOW air ekki að þurfa að valda miklum skaða fyrir hag­kerf­ið, að því er fram kom í ræðu hans á aðal­fundi Seðla­banka Íslands, fyrr í vik­unni. Nefndi hann að und­ir­stöð­urnar í hag­kerf­inu væru sterkar, og nægt svig­rúm væri til að bregð­ast við hjá hinu opin­bera, t.d. með auknum fjár­fest­ingum eða öðrum mót­væg­is­að­gerð­um, ef þess væri talin þörf.