Blaða­manna­fundi, þar sem kynna átti lífs­kjara­samn­ing stjórn­valda og aðila vinnu­mark­að­ar­ins, var frestað á síð­ustu stundu í dag, en hann hafði verið boð­aður 18:30 í Ráð­herra­bú­staðnum við Tjörn­ina. 

Ástæðan var sú að aðilar vinnu­mark­að­ar­ins, það er stétt­ar­fé­lög og Sam­tök atvinnu­lífs­ins, reyna nú til þrautar að klára samn­inga.

Katrín Jak­obs­dótt­ir, for­sæt­is­ráð­herra, sagði í við­tölum við Stöð 2 og RÚV, að vinnan við að klára þessi mál, væri nú í gangi og nú sé verið að reyna að ná saman um þau atriði sem útaf standa, en hún sagð­ist hafa miklar vænt­ingar um að það næð­ist að klára samn­inga þar sem mið væri tekið af því að samn­ingar væru í gildi til 1. nóv­em­ber 2022, líkt og kom fram í til­kynn­ingu frá Rík­is­sátta­semj­ara, Bryn­dísi Hlöðvers­dótt­ur, á öðrum tím­anum í nótt.

Ekki hefur komið fram í nákvæm­is­at­riðum hver eru helstu atriðin í samn­ing­un­um, enda mun loka­nið­ur­staðan í við­ræð­unum leiða það í ljós. 

Katrín sagði í við­tali við Stöð 2 og RÚV að aðkoma stjórn­valda tæki mið af þeim til­lögum sem komið hafa fram, þar á meðal um að lækka skatta fyrir þá lægst laun­uðu, tryggja meira fram­boð af hús­næði og bjóða upp á betri lausnir fyrir fyrstu íbúð­ar­kaup­end­ur, hækka barna­bætur og auka við fæð­ing­ar­or­lof, svo eitt­hvað sé nefnt af því sem Katrín nefndi í við­tölum við Stöð 2 og RÚV í kvöld. 

Kjarn­inn hefur verið í sam­bandi við fólk úr röðum félaga sem nú sitja við samn­inga­borðið í dag, og er mikil hreyf­ing á málum í átt til lausn­ar, sam­kvæmt heim­ildum Kjarn­ans. Búast má við því að það dragi til tíð­inda, með samn­ing­um, á næsta sól­ar­hring.