Íslenska hag­kerfið mun tíma­bundið fá á sig högg vegna falls WOW air, og það verður erfitt að fylla skarðið sem WOW air skilur eftir sig, en til lengri tíma horft hefur mun staðan jafna sig. 

Þetta kemur fram í grein­ingu láns­hæf­is­mats­fyr­ir­tæk­is­ins Moody's. 

Þar segir að fall WOW air get sett þrýst­ing á gengi krón­unn­ar, vegna fækk­unar ferða­manna og nei­kvæðra áhrifa á útflutn­ing. Með tím­anum mun skarð WOW air hins vegar fyll­ast með auk­inni starf­semi flug­fé­laga sem fljúga til og frá Íslandi, en þau eru 27 þessi miss­er­in. 

Vöxt­ur­inn í ferða­þjón­ustu hefur verið gríð­ar­lega hraður og mik­ill, und­an­farin ár. Í grein­ingu Moody's segir að fram­lag ferða­þjón­ustu til hag­vaxtar hafi verið um 33 pró­sent, vegna árs­ins 2017, en það er tvö­földun frá því árið 2009. 

Fjöldi ferða­manna á ári fór úr 450 þús­und árið 2010 í 2,3 millj­ónir í fyrra. 

Í grein­ingu Moody's segir enn fremur að sterk staða rík­is­sjóðs gefi færi á því að bregð­ast við nið­ur­sveiflu, ef þess þarf, og að lang­tíma­horfur í hag­kerf­inu séu góð­ar.