Þór­dís Kol­brún Reyk­fjörð Gylfa­dótt­ir, ráð­herra ferða­mála, nýsköp­un­ar, iðn­aðar og dóms­mála, sagði í fréttum RÚV í kvöld að þriði orku­pakk­inn svo­nefndi tengd­ist ekk­ert fram­sali á full­veldi eða færslu á yfir­ráðum yfir íslenskum orku­lauð­lindum til Evr­ópu­sam­bands­ins eða alþjóða­stofn­anna. 

Hún sagði mál­ið, sem nú hefur verið lagt fyrir Alþingi, vera vel und­ir­búið og að sér­fræð­ingar hafi kafað ofan öll álita­mál­in. 

Þriðji orku­pakk­inn er fram­hald á mark­aðsvæð­ingu fram­leiðslu og sölu á raf­orku á EES-­svæð­inu, sem var inn­leidd hér á landi með fyrsta og öðrum orku­pakk­anum í gegnum raf­orku­lög árin 2003 og 2008.

Vegna þeirra breyt­inga ríkir nú frjáls sam­keppni í fram­leiðslu og sölu á raf­magni og neyt­endur geta valið af hverjum þeir kaupa raf­magn, en upp­lýs­ingar um helstu atriði er varða þriðja orku­pakk­ann hafa verið teknar saman á vef stjórn­ar­ráðs­ins.

Þriðji orku­pakk­inn, eins og hinir tveir fyrri, felur í sér ákvæði um rétt neyt­enda og neyt­enda­vernd, aðgang að flutn­ings- og dreifi­kerfum raf­magns, gagn­sæi á mark­aði, aðskilnað sam­keppn­is­rekstrar (fram­leiðslu og sölu) frá ein­ok­un­ar­rekstri (flutn­ingi og dreif­ingu) og fleira í þá veru.

Í við­tali við RÚV, sagði Þór­dís Kol­brún að það væri alvög öruggt, að hún myndi aldri mæla fyrir mál­inu ef það léki minnsti vafi á því að það væri verið að færa yfir­ráð yfir auð­lindum lands­ins úr land­i. „Það er ein­fald­lega þannig að ég ­myndi aldrei leggja til að Íslend­ingar inn­leiddu ein­hvern ­pakka frá ESB ­sem er hluti af EES-­samn­ingnum ef að ég teldi minnstu trú á því að við værum að missa að ein­hverju leyti yfir­ráð yfir okkar auð­lind­um,“ sagði Þór­dís Kol­brún. 

Guð­laugur Þór Þórð­ar­son utan­rík­is­ráð­herra var til við­tals í Kast­ljósi RÚV, þar sem Þor­steinn Sæmunds­son, Mið­flokki, ræddi um málið við hann. Mið­flokk­ur­inn er á móti þriðja orku­pakk­anum líkt og Flokkur fólks­ins. 

Guð­laugur Þór og Þór­dís Kol­brún er bæði að tala fyrir máli mál­inu, þar sem það heyrir undir ráðu­neyti þeirra beggja. 

Guð­laugur Þór ítrek­aði í Kast­ljósi, eins og fram kom hjá honum á Alþingi í dag, að málið stand­ist stjórna­skrá Íslands, og sé rök­rétt og sjálf­stætt fram­hald af fyrri orku­pökk­um, og í sam­ræmi við EES-­samn­ing­inn.