Krist­ján Þórður Snæ­bjarn­ar­son, tals­maður iðn­að­ar­manna­fé­lag­anna, segir að það stytt­ist í kjara­samn­inga við Sam­tök atvinnu­lífs­ins en fundað var í kjara­deil­unni í morg­un. Þetta kemur fram í frétt RÚV.

Krist­ján Þórður segir að þau vilji auka kaup­mátt iðn­að­ar­manna og stytta vinnu­tíma svo fátt eitt sé nefnt. „Svo eru fullt af kröfum undir sem eru breyt­ingar á textum ákvæða kjara­samn­inga,“ segir hann í sam­tali við RÚV.

Hann segir jafn­framt að ekki sé langt í land varð­andi samn­ing­ana. Fólk sé að tala saman og að við­ræð­urnar gangi ágæt­lega. Það skipti mestu máli.

Hall­dór Benja­mín Þor­bergs­son, for­maður Sam­taka atvinnu­lífs­ins, segir í sam­tali við RÚV að fast verði setið næstu daga og inn í dymbil­vik­una „og lengur ef þörf kref­ur“.

„Sátt er marg­slungið fyr­ir­bæri. Við erum áfram að byggja brýr til ýmissa félaga. Við hjá Sam­tökum atvinnu­lífs­ins munum hitta opin­beru félögin og fara yfir lífs­kjara­samn­ing­ana með þeim og fylla inn í þær eyður sem mögu­lega hafa mynd­ast í frá­sögn af samn­ingn­um,“ segir hann.

Sam­tök atvinnu­lífs­ins munu funda á morgun í máli Mjólk­ur­fræð­inga og Flug­freyju­fé­lags Íslands vegna Icelandair fyrir atbeina rík­is­sátta­semj­ara.