Grein­ing­ar­deild Arion banka spáir því að verð­bólga muni fara úr 2,9 pró­sent í 3,3 pró­sent í apr­íl. Ástæðan er meðal ann­ars hækkun á flug­far­gjöld­um, segir í grein­ing­unni.

„Hækkun á verði flug­far­gjalda hefur mest áhrif á vísi­tölu neyslu­verðs í apr­íl, en gert er ráð fyrir 12% hækkun (0,17% áhrif á VNV). Hækk­un­ina má fyrst og fremst rekja til yfir­vof­andi páska­frís, ekki gjald­þrots WOW air, en við teljum að áhrifin af minni sam­keppni á flug­mark­aði séu ekki komin fram. Af öðrum und­ir­liðum sem hækka má nefna að elds­neyti hækkar um 2% (0,07% áhrif á VNV), reiknuð húsa­leiga hækkar um 0,25% (0,06% áhrif á VNV), hús­næði án reikn­aðrar húsa­leigu 0,4% (0,05% áhrif á VNV) og tóm­stundir 0,3% (0,02% áhrif á VNV),“ segir í grein­ing­unni.

Meg­in­vextir Seðla­banka Íslands eru nú 4,5 pró­sent, og verð­bólgu­mark­miðið er 2,5 pró­sent. 

Í grein­ing­unni segir að útsölu­á­hrif á verð­bólg­una séu nú gengin til baka. „Okkur sýn­ist að eftir töf í febr­úar hafi áhrifin gengið að fullu til baka í mars. Það vekur athygli að und­ir­vísi­talan tóm­stundir hefur látið lítið fyrir sér fara að und­an­förnu þrátt fyrir að vera að miklu leyti háð gengi krón­unn­ar. Á mynd­inni hér fyrir neðan má sjá breyt­ingu á und­ir­vísi­tölum fatn­aðar og tóm­stunda. Þar sést að breyt­ingin fyrstu þrjá mán­uði árs­ins er oft­ast mjög nálægt breyt­ing­unni á fyrstu fjórum mán­uðum árs­ins. Áhuga­vert er að sjá hvað verð tóm­stunda (sjón­vörp, DVD diskar og spil­arar og annað slíkt) hefur breyst lítið á fyrstu mán­uðum árs­ins, sér­stak­lega í ljósi þess að  fyrir nokkrum árum hækk­uðu verð á þessum lið nokkuð reglu­lega á fyrsta fjórð­ung­i,“ segir í grein­ing­unni.