Fjár­mála­eft­ir­litið taldi að áskrift­ar­söfnun fyrir hlutafé í WOW air, sem aug­lýst var á vef­síð­unni hlut­hafi.com, félli undir hug­takið almennt útboð verð­bréfa, sbr. 43. grein laga um verð­bréfa­við­skipti n. 108/2007. 

Með því er átt við að hvers konar boð til almenn­ings um kaup á verð­bréf­um, en áður en farið er í almennt útboð verð­bréfa þarf að gefa út lýs­ingu í sam­ræmi við 1. mgr. 44. grein laga um verð­bréfa­við­skipt­i. 

Þetta kemur fram í til­kynn­ingu frá Fjár­mála­eft­ir­lit­inu.

„Fyrr í dag sendi Fjár­mála­eft­ir­litið erindi til for­svars­manna hlut­hafi.com þar sem ­gerð var krafa um að heima­síð­unni yrði lokað þar sem ekki virt­ust upp­fyllt skil­yrði laga um verð­bréfa­við­skipti, m.a. varð­andi útgáfu lýs­ing­ar. Í kjöl­far þessa hafa for­svars­menn hlut­hafi.com breytt fyr­ir­komu­lag­i á­skrift­ar­söfn­un­ar­innar á þann hátt að nú er miðað við skrán­ingu fyr­ir­ hluta­skír­teini í einka­hluta­fé­lagi sem fellur ekki undir lög um verð­bréfa­við­skipt­i. 

Fjár­mála­eft­ir­lit­ið vekur athygli á að almennir fjár­festar njóta ekki sömu verndar vegna kaupa í einka­hluta­fé­lagi og þegar þeir taka þátt í almennu hluta­fjár­út­boð­i,“ segir í til­kynn­ingu FME. 

Eins og greint var frá á vef Kjarn­ans í dag, hefur verið fundað með mörgum fjár­festum, vegna mögu­legrar end­ur­reisnar WOW air, und­an­farna daga. 

Á vefnum hlut­hafi.com, segir að það sé mark­miðið að tryggja meiri sam­keppni í flugi, með stofnun eða end­ur­reisnar lággjalda­flug­fé­lags­ins. Horft er til þess að fjár­festa í vöru­merkjum og bók­un­ar­kerfi, ásamt fleiri þáttum sem þarf til að tryggja sam­keppni í flug­inu til Íslands, og styrkja með því ferða­þjón­ust­una.