Forstjóri Isavia hættur

Björn Óli Hauksson, sem stýrt hefur ríkisfyrirtækinu Isavia í áratug, er skyndilega hættur störfum. Hann hættir samstundis.

Björn Óli Hauksson.
Björn Óli Hauksson.
Auglýsing



Björn Óli Hauks­son, for­stjóri Isa­via, hef­ur sagt starfi sínu lausu. Hann lætur nú þegar af störfum sam­kvæmt til­kynn­ingu. Isa­via á og rekur flug­­vell­ina í land­inu og er að öllu leyti í eigu íslenska rík­is­ins.

Skipt var um stjórn­ar­for­mann í fyr­ir­tæk­inu í síð­asta mán­uði þegar Orri Hauks­son, for­stjóri Sím­ans, tók við af Ingi­mundi Sig­ur­páls­syni.

Auglýsing

Í til­kynn­ing­unni segir Björn Óli að hann hafi nú starfað hjá Isa­via í ára­tug og að sá tími hafi verið við­burða­ríkur og skemmti­leg­ur. „Ég hef fengið að taka þátt í upp­bygg­ingu á Isa­via sem hefur verið ein­stakt. Einnig hef ég fengið tæki­færi til að vinna með frá­bæru starfs­fólki í umhverfi þar sem áskor­anir eru og hafa verið mikl­ar. Ég er þakk­látur fyrir það hversu vel hefur tek­ist til og nú er að hefj­ast enn einn kafl­inn í sögu Isa­via. Í því ljósi tel ég að nú sé góður tími fyrir nýtt fólk til að taka við kefl­in­u.”

Orri Hauks­son segir á sama stað að stjórnin virði ákvörðun Björns Óla um að nú sé góður tíma­­punkt­ur til að láta af störf­­um. Haf­ist verði handa við að ráða nýjan for­stjóra. Fram að því munu Elín Árna­dótt­ir, aðstoð­ar­for­stjóri, og Svein­björn Ind­riða­son, fram­kvæmda­stjóri fjár­mála­sviðs, ann­ast dag­legan rekstur félags­ins.

Skuld WOW air og launa­mál

Isa­via hefur verið mikið til umfjöll­unar und­an­far­ið, meðal ann­ars vegna vand­ræða WOW air sem end­uðu með gjald­þroti í síð­asta mán­uði. Isa­via hafði veitt WOW air umtals­vert svig­rúm vegna greiðslu á lend­ing­ar­gjöldum og voru þær skuldir vel á annan millj­arð króna hið minnsta. Vegna þeirra gerði Isa­via kröfu um að ein þeirra véla sem WOW air var með á leigu væri alltaf stað­sett á Kefla­vík­ur­flug­velli. Sú vél hefur síðan verið notuð til að reyna að inn­heimta skuld WOW air við Isa­via. Umburð­ar­lyndi Isa­via gagn­vart WOW air var harð­lega gagn­rýnt af ýmsum fyrir að vera and­stætt eðli­legum sam­keppn­is­sjón­ar­mið­um.

Launa­mál Björns Óla hafa líka verið umtals­vert til umfjöll­unar sið­ustu miss­eri. Kjarn­inn greindi frá því fyrr á þessu ári að heild­­­ar­­­laun ­­Björns Óla hefðu hækkað um 43,3 pró­­sent frá því að ákvörðun launa var færð frá kjara­ráði árið 2017 til stjórn­­­ar ­­fyr­ir­tæk­is­ins á ný. Launin hækk­uðu úr 1.748.000 krónum á mán­uði í nóv­­em­ber 2017 í 2.504.884 í maí 2018.  

Þetta kom fram í svari Isa­vi­a við fyr­ir­­­spurn fjár­­­mála- og efna­hags­ráðu­­neyt­is­ins um hvernig fyr­ir­tækið hefði brugð­ist við til­­­mælum sem beint var til fyr­ir­tækja í rík­­i­s­eigu í jan­úar 2017 er varðar launa­á­kvarð­­anir og starfs­­kjör fram­­kvæmda­­stjóra. 

Skora á Almenna innheimtu ehf. að hætta innheimtu á ólöglegum lánum
Fyrir liggur að vextir á smálánum eru margfalt hærri en heimilt er samkvæmt lögum, en þrátt fyrir það eru lántakendur enn krafðir um endurgreiðslu á ólöglegum vöxtum af innheimtufyrirtækinu Almenn innheimta ehf..
Kjarninn 19. júlí 2019
Birna Lárusdóttir
Viljum við fara aftur á byrjunarreit?
Kjarninn 19. júlí 2019
Húsavík á kortið í alþjóðlegu strandhreinsunarátaki
Húsavík heimsækja árlega yfir 100 þúsund ferðamenn í þeim tilgangi að skoða hvali. Ferðaþjónustufyrirtæki á svæðinu sameinuðust í átaki í að hreins strandlengjuna, og vel tókst til.
Kjarninn 19. júlí 2019
Sjálfstæðisflokkur ekki mælst minni frá hruni – Miðjan í andstöðunni nú stærri en stjórnin
Fylgi Sjálfstæðisflokksins hefur ekki mælst lægra frá hruni, samanlagt fylgi ríkisstjórnarflokkanna hefur ekki mælst lægra á kjörtímabilinu og frjálslynda miðjublokkin er nú stærri en ríkisstjórnin.
Kjarninn 19. júlí 2019
Fylgi Miðflokks hærra en Vinstri grænna
Fylgi Miðflokksins eykst verulega á milli mánaða og mælist nú 14,4 prósent. Fylgi flokksins mælist nú hærra en bæði Vinstri grænna og Samfylkingarinnar.
Kjarninn 19. júlí 2019
Tæknivarpið
Tæknivarpið
Tæknivarpið – Apple Pay og Enski Boltinn í boði fyrir alla
Kjarninn 19. júlí 2019
Þota ALC flogin til Evrópu
Bandaríska flugleigufélagið ALC hefur átt í deilum við Isavia um þotuna. Isavia vildi kyrrsetja vélina til að tryggja greiðslur upp í tveggja milljarða króna skuldir WOW air.
Kjarninn 19. júlí 2019
Friðrik Sophusson, stjórnarformaður Íslandsbanka og Brynjólfur Bjarnason, stjórnarformaður Arion banka.
Segir sameiningu Arion banka og Íslandsbanka geta borgað sig
Brynjólfur Bjarnason og Friðrik Sophusson, stjórnarformenn Íslandsbanka og Arion banka, telja að skoða ætti sameiningu bankanna ef slíkt myndi skila auknu hagræði og betri rekstri.
Kjarninn 19. júlí 2019
Meira úr sama flokkiInnlent