Gjald­eyr­is­eft­ir­lit Seðla­banka Íslands var lagt niður sem sér­stakt svið innan bank­ans í byrjun þessa mán­að­ar. Eft­ir­stand­andi verk­efni gjald­eyr­is­eft­ir­lits flytj­ast ann­ars vegar til fjár­mála­stöð­ug­leika­sviðs Seðla­bank­ans og hins vegar til lög­fræði­ráð­gjafar bank­ans. 

Frá þessu er greint í frétt á vef bank­ans. 

Meðal verk­efna sem flytj­ast til lög­fræði­ráð­gjafar eru rann­sóknir á meintum brotum á lögum um gjald­eyr­is­mál. Þess ber að geta að öllum rann­sókn­ar­málum fram til þessa er lok­ið. Þá hefur Seðla­bank­inn end­ur­skoðað þær sekt­ar­á­kvarð­anir sem vörð­uðu brot gegn reglum um gjald­eyr­is­mál líkt og boðað var í frétta­til­kynn­ingu Seðla­bank­ans hinn 25. febr­úar síð­ast­lið­inn og aft­ur­kallað þær ákvarð­anir í ljósi skýr­inga rík­is­sak­sókn­ara frá 19. febr­úar 2019.

Meðal verk­efna sem flytj­ast á fjár­mála­stöð­ug­leika­svið verður yfir­vaka, eft­ir­lit og grein­ing á áhættu tengdri fjár­magns­hreyf­ingum til og frá land­inu ásamt því að við­halda og þróa nauð­syn­leg var­úð­ar­tæki í því sam­bandi, þ.m.t. núver­andi fjár­streym­is­tæki. Þar verður einnig sinnt reglu­setn­ingu og alþjóða­starfi sem þessu teng­ist og við­haldið þekk­ingu varð­andi beit­ingu fjár­magns­hafta, m.a. með hlið­sjón af umræðu í alþjóða­stofn­unum varð­andi beit­ingu fjár­streym­is­tækja og skila á milli þeirra og hefð­bundn­ari þjóð­hags­var­úð­ar­tækja.

Gjald­eyr­is­eft­ir­lit Seðla­banka Íslands var form­lega sett á fót í sept­em­ber 2009 og hefur sinnt verk­efnum tengdum fjár­magns­höftum frá þeim tíma. „Auk þess að sinna lög­bundnum verk­efnum á borð við eft­ir­lit með fjár­magns­höft­um, rann­sóknum á meintum brotum gegn þeim og veit­ingu und­an­þága frá þeim hefur gjald­eyr­is­eft­ir­lit unnið að öðrum mik­il­vægum verk­efnum sem tengj­ast fram­kvæmd og losun fjár­magns­hafta. Sem dæmi má nefna vinnu í tengslum við upp­gjör hinnar svoköll­uðu snjó­hengju (föllnu bank­anna og aflandskróna) án þess að stöð­ug­leika væri ógn­að, vinnu við útfærslu og fram­kvæmd bind­ing­ar­skyldu á fjár­magnsinn­streymi til að sporna við óhóf­legu inn­flæði fjár­magns vegna vaxta­mun­ar­við­skipta og spá­kaup­mennsku frá árinu 2015 auk marg­vís­legrar aðkomu að laga­frum­vörpum og reglu­setn­ingu um losun fjár­magns­hafta á ein­stak­linga og fyr­ir­tæki,“ eins og segir í frétt­inni á vef bank­ans.  

Þegar mest lét störf­uðu 24 við gjald­eyr­is­eft­ir­lit, auk fram­kvæmda­stjóra störf­uðu sjö við eft­ir­lit, sjö við rann­sóknir og níu við und­an­þág­ur, en við lok þess voru starfs­menn níu.