Inga Sæland, þing­kona og for­maður Flokks fólks­ins, hefur sent frá sér­ ­yf­ir­lýs­ing­u þar sem hún gagn­rýnir umfjöllun Rík­is­út­varps­ins um frum­varp heil­brigð­is­ráð­herra um þung­un­ar­rof. „Rík­is­út­varpið sem á að vera vett­vangur skoð­ana­skipta og umræðu í sam­fé­lagi okkar hefur brugð­ist þeirri skyldu sinni að fjalla um nýtt fóst­ur­eyð­inga­frum­varp heil­brigð­is­ráð­herra. Nán­ast engin sam­fé­lags­um­ræðu hefur farið fram um þetta mál þó ljóst sé að það er bæði við­kvæmt og afar umdeilt,“ segir Inga Sæland í yfir­lýs­ing­unn­i. 

For­dæmir vinnu­brögð frétta­stofu

Í yfir­lýs­ing­unni gagn­rýnir Inga jafn­framt sjón­varps­við­tal RÚV við konu sem gekkst und­ir­ þung­un­ar­rof á tutt­ug­ustu og annarri viku með­göngu eftir að fóstrið greind­ist með alvar­legt til­felli vatns­höf­uðs. „Í kvöld­fréttum gær­dags­ins, kvöldið áður en loka­at­kvæða­greiðsla í þessu erf­iða og við­kvæma máli fer fram á þingi, kaus frétta­stofa Rík­is­út­varps­ins að senda út sjón­varps­við­tal við móður barns sem hafði séð sig til­neydda til að fara í fóst­ur­eyð­ingu. Þarna kaus frétta­stofan að fjalla um jað­ar­til­felli harms og sárs­auka í því skyni að búa til rétt­læt­ingu fyrir því að skil­yrð­is­laust verði heim­ilt að eyða fóstrum allt til fram að 23. viku með­göng­u,“ segir í yfir­lýs­ing­unn­i. 

Jafn­framt gagn­rýnir hún RÚV fyrir að fjalla ekki um önnur til­felli. „Frétta­stofan hefur aldrei á neinum tíma­punkti reynt að varpa ljósi á önnur til­felli ljóss og gleði þar sem fyr­ir­burar hafa lifað og vaxið upp sem heil­brigð börn. Í síð­ustu viku sendi ég fyrir hvatn­ingu og með sam­þykki for­eldra öllum fjöl­miðlum eitt slíkt dæmi með ljós­mynd­um. Frétta­stofa Rík­is­út­varps­ins sá enga ástæðu til að fjalla um það.“

Þá segir hún að henni hafi ekki verið gef­inn kostur á að svara þeim „ásök­un­um“ sem fram komu í við­tal­inu. „Frétta­stofa Rík­is­út­varps­ins hefur ekki gefið mér kost á neinu tæki­færi til að svara fyrir þá ásökun sem kom fram í ofan­greindu sjón­varps­við­tali í gær­kvöldi, að konan hefði verið kölluð morð­ingi. Í þess­ari frétt var hins vegar með ísmeygi­legu mynd­máli aug­ljós­lega gefið til kynna að ég væri sek um að hafa látið slík orð falla. Það hef ég aldrei gert. “

Að lokum segir Inga að með þess­ari yfir­lýs­ingu for­dæmi hún vinnu­brögð frétta­stofu Rík­is­út­varps­ins.