Þjálfun stöðvuð og flugmönnum sagt upp vegna kyrrsetningar á Max-vélum

Icelandair hefur gripið til margvíslegra aðgerða til að bregðast við alþjóðlegrar kyrrsetningar á 737 Max vélum frá Boeing.

Icelandair vél feb 2008
Auglýsing

Icelandair til­kynnti á fundi með hópi flug­manna í þjálfun í dag að óhjá­kvæmi­legt væri að stöðva þjálfun 21 nýliða sem til stóð að hæfu störf sem flug­menn á Boeing 737 MAX vélar félags­ins í sum­ar, sem og slíta ráðn­inga­samn­ingi við 24 flug­menn sem hófu þjálfun á MAX vél­arnar síð­asta haust og höfðu hafið störf áður en vél­arnar voru kyrr­sett­ar. 

Þetta kemur fram í til­kynn­ingu frá Icelanda­ir.

Þessi ákvörðun var tekin í ljósi þess að félagið gerir ekki ráð fyrir MAX vél­unum í flug­á­ætlun sinni fyrr en um miðjan sept­em­ber nk., eins og fram kom í til­kynn­ingu frá félag­inu þann 24. maí sl. „Það er þung­bært að þurfa að grípa til þess­arar sárs­auka­fullu aðgerðar en við teljum það nauð­syn­legt í ljósi þeirra erf­iðu aðstæðna sem komnar eru upp vegna kyrr­setn­ingar Boeing 737 MAX vél­anna,“ segir Bogi Nils Boga­son, for­stjóri Icelanda­ir Group, vegna þessa.

Auglýsing

„Kyrr­setn­ingin hefur tals­verð nei­kvæð áhrif á rekstur félags­ins og við verðum að leita allra leiða til að hag­ræða og draga úr kostn­aði. Við von­umst þó til að geta gefið þessum flug­mönnum kost á starfi hjá fyr­ir­tæk­inu á ný þegar und­ir­bún­ing­ur fyrir næsta sumar fer af stað en það kemur betur í ljós þegar málin skýr­ast varð­andi MAX vél­arn­ar,“ segir Bogi Nils enn frem­ur.

Icelandair mun bjóða aðstoð við atvinnu­leit í sam­starfi við ráðn­inga­stofu en ein­hverjir flug­mann­anna sem hafa til þess til­skilda þjálfun eiga kost á að fara í önnur störf hjá félag­inu, t.d. sem flug­lið­ar, flug­um­sjón­ar­menn eða í önnur störf, segir í til­kynn­ing­u. 

Óvissa er um hvenær kyrr­setn­ingu á 737 Max vélum Boeing verður aflétt. Kyrr­setn­ing­una má rekja til tveggja flug­slysa, 29. októ­ber í Indónesíu og 13. mars í Eþíópíu þar sem sam­tals 346 létu­st, allir um borð í báðum vél­um. Spjótin í rann­sóknum bein­ast að kerfi í 737 Max vél­un­um, sem á að sporna gegn ofrisi, en Boeing hefur við­ur­kennt að það hafi verið í þeim galli, sem ekki var tal­inn ógna öryggi vél­anna.

Loka­nið­ur­stöður rann­sókn á slys­unum liggja ekki fyr­ir.

Ert þú í Kjarnasamfélaginu?

Kjarninn er opinn vefur en líflínan okkar eru frjáls framlög frá lesendum, Kjarnasamfélagið. Sú stoð undir reksturinn er okkur afar mikilvæg.

Með því að skrá þig í Kjarnasamfélagið gerir þú okkur kleift að halda áfram að vinna í þágu almennings og birta vandaðar fréttaskýringar, djúpar greiningar á efnahagsmálum og annað fréttatengt gæðaefni. 

Kjarninn hefur verið til taks fyrir kröfuharða lesendur undanfarin sjö ár og við ætlum okkur að standa vaktina áfram. 

Fyrir þá sem nú þegar eru stoltir styrkjendur Kjarnans þá leyfum við okkur að benda á að hægt er að óska eftir að hækka mánaðarlega framlagið með því að senda póst á takk@kjarninn.is


Já takk, ég vil styrkja Kjarnann!
Meira úr sama flokkiInnlent