Veggjöld á helstu stofnæðum höf­uð­borg­ar­svæð­is­ins verða tekin upp til að fjár­magna sam­göngu­fram­kvæmd­ir, þar með talið borg­ar­lín­u. 

Frá þessu var greint í fréttum RÚV í kvöld, en ríkið mun meðal ann­ars selja landið að keldum til að fjár­magna fram­kvæmd­ir.

Sig­urður Ingi Jóhanns­son, sam­göngu- og sveit­ar­stjórn­ar­ráð­herra og for­maður Fram­sókn­ar­flokks­ins, kynnti þessi áform á fundi í morg­un. Fund­inn sátu kjörni full­trúar sveit­ar­fé­laga á höf­uð­borg­ar­svæð­in­u. 

Sam­kvæmt heim­ildum frétta­stofu RÚV, verða 125 millj­arðar settir í ýmsar fram­kvæmdir fram til 2033 en þar vegur meðal ann­ars þyngst upp­bygg­ingu borg­ar­línu, en kostn­aður við hana er áætl­aður um 70 millj­arð­ar. Fram­kvæmdir við fyrsta áfanga hennar hefj­ast 2021.

Af öðrum fram­kvæmdum má nefna gatna­mót Bústaða­vegar og Reykja­nes­brautar sem eiga að hefj­ast 2021 en útfærslan liggur ekki fyr­ir, að því er fram kom í frétt RÚV. Byrjað verður að setja Miklu­braut í stokk árið 2022 og þá er áætlað að hluti Sæbrautar fari einnig í stokk.