Tækni­fyr­ir­tækið Ripp­le, sem meðal ann­ars sér­hæfir sig í greiðslu­miðlun á grunni bálka­keðju­tækni (blockchain), hefur keypt íslenska fyr­ir­tækið Algrim Consulting, sem hefur byggt upp tækni á sviði gjald­eyr­is­við­skipta og við­skipta með raf­mynt­ir, með góðum árangri á und­an­förnum árum. 

Kaup­verðið er ekki gefið upp í til­kynn­ingu, en Daði Ármanns­son, fram­kvæmda­stjóri Algrim, segir í til­kynn­ingu sem birt hefur verið á vef Ripple, að starf­semi Ripple falli vel að því sem Algrim sé að gera, og að því leyti hafi við­skiptin verið rök­rétt. Bæði fyr­ir­tækin deili sömu sýn þegar kemur að tækni, meðal ann­ars á sviði bálka­keðju tækni.

Að því er fram kemur í umfjöllun Northstack, sem sér­hæfir sig í umfjöllun um nýsköpun og frum­kvöðla­starf­semi á Íslandi, þá hyggst Ripple reka starfs­stöð á Íslandi og hyggur á frek­ari upp­bygg­ingu hér á land­i. 

Ripple hefur verið meðal fremstu fyr­ir­tækja á heims­vísu þegar kemur að þróun tækni sem byggir á bálka­keðju, og hefur byggt hratt upp alþjóð­lega starf­semi þar sem við­skipta­vinum er gert auð­veld­ara fyrir með greiðslu­miðlun og raf­ræn við­skipt­i. 

Upp­fært og leið­rétt: Upp­haf­lega komu fram rangar upp­lýs­ingar um eign­ar­hald félags­ins. Beðist er vel­virð­ingar á því. Um var að ræða rugl­ing við annað félag sem ber sama nafn. Fréttin hefur verið leið­rétt.