Við­búið er að kom­andi vetur verði erf­iður fyrir ferða­þjón­ust­una þar sem gjöbreytt staða er í grein­inni frá því sem var á und­an­förnum árum.

Sé litið til þátta eins og áhuga á land­inu - sem birt­ist meðal ann­ars í leit á Google - og síðan versn­andi efna­hags­um­hverfis erlend­is, þá gæti vandi ferða­þjón­ust­unnar átt eftir að aukast nokk­uð.

Þetta kemur fram í Fjár­mála­stöð­ug­leika Seðla­banka Íslands, þar sem fjallað er um áhættu­þætti í hag­kerf­inu fyrir fjár­mála­kerf­ið. 

Í rit­inu, sem kom út í gær, segir að banka­kerfið sé nokkuð sterkt og geti tek­ist á við áföll, meðal ann­ars í ferða­þjón­ustu, en útlán til ferða­þjón­ustu­fyr­ir­tækja eru um 9 pró­sent af heild­inn­i. 

Van­skil ferða­þjón­ustu­fyr­ir­tækja hafa auk­ist um 15 pró­sent milli ára.

Þrátt fyrir fækkun ferða­manna hefur tek­ist að halda tekjum af hverjum ferða­manni hærri en þær hafa verið á und­an­förnum árum, og hefur þetta mildað höggið af falli WOW air og kyrr­setn­ingu Max vél­anna frá Boeing, sem hefur áhrif á efna­hag og þjón­ustu Icelanda­ir. Í rit­inu segir að óvissa sé um hversu lengi kyrr­setn­ingin muni vara en félagið reikna með þeim aftur í byrjun næsta árs. 

Ferða­þjón­ustan hefur á síð­ustu árum haslað sér völl sem stærsta ­út­flutn­ings­grein þjóð­ar­bús­ins. Vöxtur grein­ar­innar er nátengdur öðrum at­vinnu­grein­um, svo sem verslun og þjón­ustu.

Í Fjár­mála­stöð­ug­leika segir að ferða­þjón­ustan gangi nú í fyrsta skipti í langan tíma í gegnum sam­drátt eftir mik­inn upp­gang nær sam­fleytt frá árinu 2010. „Við­búið er að kom­andi vetur gæti orð­ið erf­iður fyrir grein­ina og van­skil auk­ist. Áfram­hald­andi sam­dráttur í sæta­fram­boði, færri leitir með Google og versn­andi efna­hags­um­hverf­i á evru­svæð­inu og í Bret­landi gæti bent til áfram­hald­andi sam­drátt­ar í grein­inni, að minnsta kosti til skamms tíma lit­ið. Ferða­þjón­ustan er í sam­keppni við ferða­manna­staði erlendis en þar sem greinin er mann­afls­frek hafa sam­keppn­is­skil­yrði versnað í kjöl­far launa­hækk­ana hér á landi. Ferða­þjón­ustu­fyr­ir­tæki hafa á síð­ustu mán­uðum brugð­ist við breyttu rekstr­ar­um­hverfi með hag­ræð­ingu í rekstri, meðal ann­ars með­ ­fækkun starfs­fólks. Rekstr­ar­erf­ið­leikar hafa stuðlað að sam­runa fyr­ir­tækja í grein­inni og leitt til auk­innar sam­þjöpp­unar í lána­söfnun bank­anna sem kann að auka mótaðila­á­hættu þeirra. Bank­arnir verða að ­búa sig undir áfram­hald­andi sam­drátt í grein­inni og vax­andi mót­að­ila­á­hættu sem getur komið í fram í auknum van­skilum og útlána­töp­um,“ segir í Fjár­mála­stöð­ug­leika.