Segir ritstjóra Morgunblaðsins engan veginn starfi sínu vaxna

Formaður Blaðamannafélags Íslands segir það fyrirlitlegt hvernig stjórnendur Árvakurs tefldu starfsfólki sínu gegn hvoru öðru í gær. Hann segir þá engan veginn starfi sínu vaxna.

Davíð Oddsson er annar ritstjóra Morgunblaðsins.
Davíð Oddsson er annar ritstjóra Morgunblaðsins.
Auglýsing

Hjálmar Jóns­son, for­maður Blaða­manna­fé­lags Íslands, seg­ist hugsi yfir því sem hann kallar fyr­ir­lit­legar aðgerðir stjórn­enda Árvak­urs, útgáfu­fé­lags Morg­un­blaðs­ins og mbl.is, gegn und­ir­mönnum sínum þegar starfs­menn mbl.is áttu að leggja niður störf í fjóra tíma á föstu­dag og ekk­ert efni að birt­ast á vefn­um, en efni var samt birt. 

Í pistli sem hann birtir á heima­síðu Blaða­manna­fé­lags Íslands segir Hjálm­ar, sem starf­aði á Morg­un­blað­inu í ald­ar­fjórð­ung á árum áður, að þær aðgerðir sem stjórn­endur Árvak­urs beittu, og í fólst að láta aðra sem voru ekki í verk­falli skrifa á vef­inn, hafi ver­ið  til þess að brjóta niður lög­lega boð­aða vinnu­stöðv­un. Það sé óskilj­an­legt að tefla sam­starfs­fólki gegn hvert öðru með þeim hætti sem gert var. „Þar var sann­ar­lega fórnað meiri hags­munum fyrir minni og sannar end­an­lega, að mínu viti, að þeir stjórn­endur sem stjórn og eig­endur fyr­ir­tæk­is­ins hafa valið til þessa ábyrgð­ar­fulla starfs eru engan veg­inn starfi sínu vaxn­ir, því mið­ur.“

Rit­stjórar Morg­un­blaðs­ins eru Davíð Odds­son og Har­aldur Johann­es­sen. Har­aldur er einnig fram­kvæmda­stjóri Árvak­urs.

Auglýsing
Hjálmar segir að það sé ekki skrýtið að venju­legu rétt­hugs­andi fólki sé mis­boðið þegar gengið er í störf þess þegar það er í lög­lega boð­aðri vinnu­stöðv­un, sem sam­þykkt var með yfir­gnæf­andi meiri­hluta atkvæða félags­manna. „Ég ætla ekki einu sinni að reyna að skilja það inn­ræti sem liggur svona aðgerðum og fram­komu í garð sam­starfs­manna til grund­vall­ar.  Það er mér ein­fald­lega óskilj­an­legt. Ekki síst í ljósi þess að ég hef að minnsta kosti í þrí­gang í aðdrag­anda verk­falls skrifað þessu fólki og óskað eftir að við færum yfir hugs­an­leg ágrein­ings­efni um fram­kvæmd verk­falls­ins, þannig að það gæti farið fram með sóma. 

Hjálmar segir að hjá Frétta­blað­inu og Sýn hafi fram­kvæmd verk­falls­ins verið til fyr­ir­mynd­ar. „Það hefur hins vegar aug­ljós­lega verið erfitt að horfa upp á mbl.is í loft­inu vegna verk­falls­brota á sama tíma og vis­ir.is og fretta­bla­did.is voru það ekki. Ég hlýt að velta því fyrir mér hvort eig­endur þess­ara ágætu fyr­ir­tækja, sem virtu boð­aða vinnu­stöðvun starfs­manna sinna, og Rík­is­út­varps­ins, sem er í eigu almenn­ings, geti hugsað sér að vera í kompaníi með verk­falls­brjót­um. Ef þessi fyr­ir­tæki ætla að halda sam­starfi sínu við Árvakur áfram, þurfa þau þá ekki að sam­ræma afstöðu sína til fram­kvæmdar vinnu­stöðv­ana?“

Með vit­und og vilja rit­stjóra

Blaða­­menn og frétta­­stjórar á frétta- og íþrótta­­deild mbl.is sendur í gær frá sér yfir­­lýs­ingu vegna meintra verk­­falls­brota á mið­l­in­um. Þeir lýstu yfir von­brigðum með það fram­­ferði og þau við­horf til lög­­­lega boð­aðra aðgerða sem birt­ust á mið­l­in­um. 

Í yfir­­lýs­ing­unni kom fram að klukkan 10 í gær­morgun hefði blaða­­menn á frétta­­deild og íþrótta­­deild mbl.is lagt niður störf, rétt eins og blaða­­menn í Blaða­­manna­­fé­lagi Íslands á net­miðlum RÚV, Torgs og Sýnar gerðu, í sam­ræmi við tíma­bundna vinn­u­­stöðvun blaða­­manna á net­miðlum sem sam­­þykkt var í atkvæða­greiðslu félags­­­manna Blaða­­manna­­fé­lags Íslands 30. októ­ber síð­­ast­lið­inn til árétt­ingar kröfum félags­­­manna í Blaða­­manna­­fé­lag­inu í kjara­­deilu félags­­ins við Sam­tök atvinn­u­lífs­ins.

Auglýsing
„Um leið og blaða­­menn á mbl.is lögðu niður störf í morgun tóku nokkrir blaða­­menn á Morg­un­­blað­inu, sem að öllu jöfnu skrifa ekki fréttir á mbl.is, til við að skrifa fréttir á mbl.­is. Að auki voru fyrr­ver­andi sum­­­ar­­starfs­­maður og lausa­­penni á Morg­un­­blað­inu kall­aðir til til þess að skrifa fréttir á mbl.is á meðan þeir blaða­­menn mið­ils­ins, sem voru á vakt á þessum til­­­tekna tíma, lögðu niður störf í sam­ræmi við lög­­­lega boð­aðar aðgerðir sem stóðu til klukkan 14,“ sagði í yfir­­lýs­ing­unni.

Fram kemur hjá blaða­­mönn­unum og frétta­­stjór­unum að þessi umræddu frétta­­skrif hafi verið með vit­und og vilja rit­­stjóra og fram­­kvæmda­­stjóra Morg­un­­blaðs­ins.

„Við und­ir­­rituð blaða­­menn og frétta­­stjórar á frétta- og íþrótta­­deild mbl.is lýsum yfir von­brigðum með þetta fram­­ferði og þau við­horf til lög­­­lega boð­aðra aðgerða sem þarna birt­­ast. Við teljum að þetta fram­­ferði sé til þess fallið að varpa rýrð á mbl.is, ekki síst þá blaða­­menn sem þar starfa og leit­­ast eftir fremsta megni við að sinna starfi sínu af heil­indum og fag­­mennsku. Að okkar mati er þetta síst til þess fallið að finna væn­­lega lausn á kjara­­deil­unni sem nú stendur yfir.

Með því að senda þessa yfir­­lýs­ingu viljum við að það komi skýrt fram að þær fréttir og umfjall­an­ir, sem skrif­aðar voru og birtar á mbl.is á meðan á lög­­­lega boð­uðum aðgerðum félaga í Blaða­­manna­­fé­lagi Ísl­ans stóð, eru ekki á okkar ábyrgð,“ sagði að lokum í yfir­­lýs­ing­unni en undir hana skrifa 17 blaða­­menn og frétta­­stjór­­ar.



Vilt þú vera með?

Frjálsir, hugrakkir fjölmiðlar eru ómetanlegir en ekki ókeypis. Kjarninn reiðir sig á framlög lesenda og með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og við ætlum að standa vaktina áfram og bjóða almenningi upp á vandaða umfjöllun þar sem áhersla er á gæði og dýpt.  

Fyrir þá lesendur sem nú þegar eru stoltir styrkjendur Kjarnans þá leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Plata sem undirstrikar tengsl hugleiðslu og bænar
Hugarró er fyrsta sólóplata Margrétar Árnadóttur söngkonu og söngkennara. Hún safnar fyrir útgáfu hennar á Karolina Fund.
Kjarninn 5. desember 2020
Stefan Löfven, forsætisráðherra Svíþjóðar
Svíar búast við að bólusetja fimmtung þjóðarinnar á næsta ársfjórðungi
Þrátt fyrir að íslenska ríkisstjórnin, sem fær bóluefni frá Svíþjóð, voni að hjarðónæmi gegn COVID-19 náist á fyrsta ársfjórðungi 2021, búast sænsk yfirvöld ekki við því að bólusetja nema fimmtung af þjóðinni gegn veirunni á sama tíma.
Kjarninn 5. desember 2020
Óðinn Jónsson
Níræða Ríkisútvarpið
Kjarninn 5. desember 2020
Af þeim 2.333 íbúðum sem byggingaraðilarnir hyggjast reisa eru 1.368 á höfuðborgarsvæðinu og 965 á landsbyggðinni.
78 aðilar vilja byggja 2.333 íbúðir
Húsnæðis- og mannvirkjastofnun segir áhyggjur af því að kröfur hlutdeildarlána kæmu í veg fyrir að sótt yrði um þau og hagkvæmt húsnæði byggt, virðast hafa verið óþarfar.
Kjarninn 5. desember 2020
Rannsókn á undanskotum vegna fjárfestingarleiðarinnar stutt á veg komin
Mál tengt einstaklingi sem grunaður er um að hafa skotið undan fjármagnstekjum með því að nýta sér fjárfestingarleið Seðlabanka Íslands fór frá skattrannsóknarstjóra til héraðssaksóknara í maí. Þar er rannsókn þess stutt á veg komin.
Kjarninn 5. desember 2020
Verksmiðjutogarinn Heinaste er búinn að fara í slipp og heitir nú Tutungeni.
Árs kyrrsetningu lokið og togari seldur en andvirðinu haldið eftir í Namibíu
Samherji sagði frá því í vikunni að togarinn Heinaste væri laus úr vörslu namibískra yfirvalda og hefði verið seldur í þokkabót. Ekki fylgdi þó fréttatilkynningu fyrirtækisins að söluandvirðinu yrði haldið sem tryggingu á bankareikningi í Namibíu.
Kjarninn 5. desember 2020
Magn kókaíns í frárennsli höfuðborgarinnar fjórfaldaðist milli áranna 2016 og 2018. Í sumar hafði verulega dregið úr því miðað við apríl í fyrra.
Mun minna kókaín í skólpinu í kórónuveirufaraldri
Kórónuveirufaraldurinn hefur breytt mynstri fíkniefnanotkunar í Reykjavík, segir doktorsnemi sem hefur í fimm ár rannsakað magn ólöglegra fíkniefna í frárennsli borgarinnar. Magn kókaíns í skólpinu var 60 prósent minna í júní en í apríl í fyrra.
Kjarninn 5. desember 2020
Rússneska bóluefnið Spútnik V er á leið í dreifingu. Um helgina geta Moskvubúar í forgangshópum fengið fyrri sprautu sína.
Spútnik sprautað í Rússa: Hefja bólusetningu í stórum stíl eftir helgi
Um helgina hefjast bólusetningar á forgangshópum í Moskvu með bóluefninu Spútnik V. Tvær milljónir skammta eru sagðar til. Reuters-fréttastofan segir suma ríkisstarfsmenn upplifa þrýsting um að taka þátt í klínískum tilraunum á virkni bóluefnisins.
Kjarninn 4. desember 2020
Meira úr sama flokkiInnlent