Bene­dikt Gísla­son, sem tók sem banka­stjóri Arion banka í júlí síð­ast­liðn­um, og Ásgeir Helgi Reyk­fjörð Gylfa­son, sem var ráðin aðstoð­ar­banka­stjóri skömmu eftir ráðn­ingu Bene­dikts, hafa keypt bréf í bank­anum fyrir sam­an­lagt um 223 millj­ónir króna, bæði í eigin nafni og eins í gegnum félög sem þeir eru fjár­hags­lega tengd­ir.

Þetta kemur fram í til­kynn­ingu Arion banka til kaup­hall­ar, en báðir hafa þeir stöðu frum­inn­herja.

Bene­dikt keypti 1,6 millj­ónir hluta á geng­inu 76,7, eða fyrir um 123 millj­ónir króna, í gegnum félagið Brekku­ás. Þá keypti hann 400 þús­und hluti í eigin nafni á sama gengi, fyrir um 30 millj­ón­ir. 

Ásgeir Helgi keypti 895 þús­und hluti í bank­an­um, fyrir um 70 millj­ón­ir, en þau við­skipti fóru fram í gegnum sænska og íslenska mark­að­inn, en Arion banki er skráður á báðum stöð­u­m. 

Mark­aðsvirði Arion banka er um 142 millj­arðar króna, eftir 2,5 pró­sent hækkun mark­aðsvirðis í dag. Eigið fé bank­ans nam 196 millj­örðum króna í lok þriðja árs­fjórð­ungs.