Miðflokkurinn vill stöðva fjármögnun styrkja til fjölmiðla

Miðflokkurinn lagði til að þeir fjármunir sem eiga að renna í styrki til einkarekinna fjölmiðla á næsta ári verði teknir af fjárlögum. Flokkurinn ætlar að leggja fram eigin hugmynd um styrki „með annarri aðferðarfræði“.

Birgir Þórarinsson, þingmaður Miðflokksins.
Birgir Þórarinsson, þingmaður Miðflokksins.
Auglýsing

Í minni­hluta­á­liti Birgis Þór­ar­ins­son­ar, þing­manns Mið­flokks­ins, vegna fjár­laga leggur hann til að þær 400 millj­ónir króna sem ætl­aðar eru til styrktar einka­reknum fjöl­miðlum á næsta ári verði felldar út úr frum­varp­inu.

Þar segir hann að Mið­flokk­ur­inn sé með í smíðum til­lögur sem feli í sér styrk til einka­rek­inna fjöl­miðla en með annarri aðferða­fræði en til­lögur rík­is­stjórn­ar­innar gera ráð fyr­ir. Til­lög­urnar verði kynntar innan skamm­s.“

Í fjár­laga­frum­varp­inu sem lagt var fram í sept­em­ber síð­ast­liðnum var gert ráð fyrir að 400 millj­­ónir króna fari í stuðn­­ing við rekstur einka­rek­inna fjöl­miðla á næsta ári. Í áliti meiri­hluta fjár­laga­nefnd­ar, sem sam­anstendur af þing­mönnum rík­is­stjórn­ar­inn­ar, er ekki lagt til að beinar breyt­ingar verði gerðar á þess­ari ráð­stöf­un. 

Auglýsing
Lilja D. Alfreðs­dótt­ir, mennta- og menn­ing­­ar­­mála­ráð­herra, lagði frum­varp um stuðn­­ing við einka­rekna miðla fram í vor og það hefur verið afgreitt úr rík­­is­­stjórn. Hún á þó enn eftir að mæla fyrir því á Alþingi en heim­ildir Kjarn­ans herma að um það hafi náðst sam­staða. 

And­­staða hafði verið við það innan þing­­flokks Sjálf­­stæð­is­­flokks en sam­­kvæmt fjár­­laga­frum­varpi rík­­is­­stjórn­­­ar­innar stendur vilji hennar til að fjár­­­magna áform Lilju á næsta ári. Af þeim 400 millj­­ónum króna sem eyrna­­merktar eru þessum til­­­gangi eiga 50 millj­­ónir króna að renna til text­unar og tal­­setn­ing­­ar. 

Til við­­bótar við 350 milljón króna greiðslu vegna beinna styrkja til einka­rek­inna fjöl­miðla á að styðja við slíka með stuðn­­ingi sem nemi allt að 5,15 pró­­­­­sent af launum starfs­­­­­fólks á rit­­­­­stjórn sem  fellur undir lægra skatt­­­­­þrep tekju­skatts­­­­­stofna. Umfang þeirrar aðgerðar er metið 170 millj­­ónir króna. Því eiga áformin í heild að kosta um 520 millj­­ónir króna á ári.

Fjórð­ungur kostn­aðar upp að þaki

Mark­miðið með aðgerð­unum er að efla hlut­verk rík­­­­­is­ins, þegar kemur að fjöl­miðlaum­hverf­inu, og styrkja rekstr­­­­­ar­um­hverf­ið, en í frum­varp­inu felst meðal ann­­­­­ars að stíga fyrstu skrefin í átt að því sem þekkst hefur á Norð­­­­­ur­lönd­unum um ára­bil. Í frum­varp­inu er lagt til að stuðn­­­­­ingur rík­­­­­is­ins við einka­rekna fjöl­miðla verði tví­­­­­þætt­­­­­ur. 

Sá stuðn­­ingur sem nú er gert ráð fyrir í fjár­­laga­frum­varp­inu felur í sér að veita stjórn­­­­völdum heim­ild til að styðja við rekstur einka­rek­inna fjöl­miðla í formi end­­­­ur­greiðslu á allt að 25 pró­­­­sent af til­­­­­­­teknum hluta ­rit­­­­stjórn­­­­­­­ar­­­­kostn­að einka­rek­inna fjöl­miðla. Skil­yrði fyrir styrknum verða að við­tak­endur upp­­­­­­­fylli ýmis skil­yrði fjöl­miðla­laga, efni þeirra sé fjöl­breytt og fyrir allan almenn­ing og bygg­ist á frétt­um, frétta­tengdu efni og sam­­­­fé­lags­um­ræðu í víðum skiln­ing­i. 

Lagt er til að lögin taki gildi 1. jan­úar 2020 og end­­­­ur­greiðslur mið­ist við síð­­­­ast­liðið ár.­Gert er ráð fyrir end­­­­ur­greiðslu­hæfur kostn­aður verði bund­inn við beinan launa­­­­kostnað blaða- og frétta­­­­manna, rit­­­­stjóra og aðstoð­­­­ar­­­­rit­­­­stjóra, mynda­­­­töku­­­­manna, ljós­­­­mynd­­­­ara og próf­­­­arka­­­­les­­­­ara auk verk­taka­greiðslna fyrir sömu störf.

Hlut­­­fall end­­­­ur­greiðslu verði að hámarki vera 25 pró­­­­sent af kostn­aði við fram­an­­­­greint, þó ekki hærri en 50 millj­­­­ón­ir til hvers umsækj­anda vegna síð­­­­ast­lið­ins árs. Jafn­­­­framt kom fram í frum­varps­drög­unum að heim­ild sé til að veita stað­bundnum fjöl­miðlum við­­­­bótar end­­­­ur­greiðslu.

Fram­lög til RÚV aukast

Útvarps­­gjaldið hækkar um 2,5 pró­­sent milli ára sam­kvæmt fjár­lög­unum og áætl­­aðar tekjur Rík­­is­út­­varps­ins (RÚV) vegna þeirra aukast um 180 millj­­ónir króna. Áætlað er að útvarps­­gjaldið verði 4.770 millj­­ónir króna á næsta ári. 

Mennta- og menn­ing­­ar­­mála­ráð­herra sagði í ágúst að í und­ir­­bún­­ingi væri að RÚV hverfi af aug­lýs­inga­­mark­aði. Rík­­is­mið­l­inum verði hins vegar bætt upp það tekju­tap en hann hefur haft yfir tvo millj­­arða króna í slíkar tekjur á und­an­­förnum árum. 

Þjón­ust­u­­­samn­ingur RÚV við mennta- og menn­ing­­­ar­­­mála­ráðu­­­neyt­ið, sem skil­­­greinir hlut­verk, skyldur og umfang RÚV, rennur út í lok þessa árs. 

Styrkir þú Kjarnann?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og býður almenningi upp á vandaða umfjöllun þar sem áhersla er á gæði og dýpt.  

Ef þú ert nú þegar styrkjandi leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Kröfum gegn starfsmannaleigunni Menn í vinnu og Eldum rétt vísað frá dómi
Kröfum fjögurra erlendra starfsmanna gagnvart starfsmannaleigunni Menn í vinnu og notendafyrirtækinu Eldum rétt um vangreidd laun og miskabætur var vísað frá í Héraðsdómi Reykjavíkur í dag. Stjórnendur starfsmannaleigunnar fá greiddan málskostnað.
Kjarninn 24. febrúar 2021
Finnur Torfi Stefánsson
Vinstri Græn Samfylking
Kjarninn 24. febrúar 2021
Magnús Guðmundsson
Vatnajökulsþjóðgarður á góðri leið
Kjarninn 24. febrúar 2021
Grjóthrun hefur orðið á Reykjanesskaga og varað er við frekara hruni. Myndina tók áhöfn Landhelgisgæslunnar í eftirlitsflugi í morgun.
Hættustigi lýst yfir: Grjót hrunið úr fjöllum og hvítir gufustrókar sést
Lýst hefur verið yfir hættustigi almannavarna á Reykjanesskaga og höfuðborgarsvæðinu vegna jarðskjálftahrinunnar sem hófst í morgun. Grjót hefur hrunið úr fjöllum á Reykjanesi og hvítir gufustrókar á jarðhitasvæðum sést á svæðinu.
Kjarninn 24. febrúar 2021
Finnst það „mikill dómgreindarbrestur“ hjá Áslaugu að hafa hringt í lögreglustjórann
Þingmaður Viðreisnar gagnrýnir dómsmálaráðherra fyrir að hringja í lögreglustjórann á höfuðborgarsvæðinu eftir að lögreglan upplýsti um að annar ráðherra, formaður flokks hennar, hefði verið í samkvæmi sem leyst var upp vegna gruns um sóttvarnarbrot.
Kjarninn 24. febrúar 2021
Jóhann Páll Jóhannsson
Frá atvinnukreppu til framsækinnar atvinnustefnu
Kjarninn 24. febrúar 2021
Kristín Jónsdóttir, hópstjóri náttúruvárvöktunar Veðurstofu Íslands.
„Við þurfum að undirbúa okkur fyrir að það verði stærri skjálftar“
Kristín Jónsdóttir hjá náttúruvárvöktun Veðurstofu Íslands segir að líkur séu á fleiri skjálftum og að við þurfum að vera við því búin að þeir verði stærri en þeir sem orðið hafa í morgun.
Kjarninn 24. febrúar 2021
Ármann Höskuldsson eldfjallafræðingur við Háskóla Íslands.
„Þetta eru mikil læti“
Eldfjallafræðingurinn Ármann Höskuldsson segir að jarðskjálftahrinan mikla á Reykjanesi í dag þurfi ekki að leiða til eldgoss en bendir á að svæðið sé þekkt eldgosasvæði „og það hlýtur að koma að því“ að það komi „eitthvað upp“.
Kjarninn 24. febrúar 2021
Meira úr sama flokkiInnlent