Innflytjendur jákvæð innspýting í samfélögum

Gylfi Zoega, hagfræðiprófessor, fjallaði um áskoranir sem samfélög á vesturlöndum standa frammi fyrir.

Gylfi-Zoega-
Auglýsing

„Til þess að bregðast við lægri fæðingartíðni og öldrun samfélaga á Vesturlöndum er þrennt til ráða: Auka fæðingartíðni, auka vinnumarkaðsþátttöku ungra sem aldinna og leyfa aðflutning erlends vinnuafls.“

Þetta kemur fram í ítarlegri grein Gylfa Zoega, hagfræðiprófessors, sem birtist í nýjustu útgáfu Vísbendingar, sem ber heitið: Um börn og fósturbörn. 

Í greininni fjallar hann um lýðfræði og alþjóðastjórnmál og meðal annars hvernig innflytjendamál hafa birst sem þrætuepli á sviði stjórnmála og einnig sem áhrifamikil breyta í hagfræði. 

Auglýsing

„Í fyrsta lagi getur hið opinbera reynt að hafa áhrif á ákvarðanir um barneignir með því að niðurgreiða kostnað við barnauppeldi; greiða fyrir fæðingarorlof, niðurgreiða leikskóla o.s.fr.  Jafnvel mætti hugsa sér að umbuna þeim sem eignast börn með eingreiðslum, eins konar verðlaunum samfélagsins fyrir að hafa komið með fleiri einstaklinga í heiminn. Hver nýr þjóðfélagsþegn mun svo síðar á ævinni sem hluti af hagkerfinu skapa verðmæti og greiða skatta í ríkissjóð og standa undir kostnaði við þá sem komnir eru á efri ár. 

Í öðru lagi er unnt að auka vinnumarkaðsþátttöku með því að stytta skólagöngu og hækka lífeyrisaldur. Í Danmörku er lífeyrisaldur tengdur við ævilíkur og hækkar þá yfir tíma. Þetta kemur í veg fyrir að hærri ævilíkur verði til þess að auka framfærslubyrði á þá sem eru á vinnumarkaði. Það væri æskilegt að svipað fyrirkomulag verði tekið upp hér á landi með formlegum hætti.  Stytting skólagöngu er hins vegar varasamari vegna þess að hún getur bitnað á mannauði fólks, minnkað framleiðni á hverju ári á vinnumarkaði þótt árunum á vinnumarkaði fjölgi. Það er alls óvíst hvort að stytting framhaldsskóla í þrjú ár hér á landi hafi verið gæfuspor.

Í þriðja lagi er unnt að leyfa fleirum að flytja til landsins. Hér á landi gerist þetta nokkuð sjálfkrafa með búferlaflutningum innan Evrópska efnahagssvæðisins (EES). Þannig má líta innflytjendur sem „fósturbörn“ sem komi í staðinn fyrir þá sem ekki fæddust.

Rannsóknir erlendis hafa sýnt að aðflutningur erlends vinnuafls einn nægi varla til þess að koma í veg fyrir hækkun á framfærslubyrði vinnandi fólks á Vesturlöndum á næstu áratugum. Ein rannsókn leiddi þó í ljós að aðflutningur erlends vinnuafls gæti komið í veg fyrir öldrun bandarísku þjóðarinnar en það gerðist fyrst og fremst vegna þess að frjósemi innflytjenda væri meiri en frjósemi innfæddra. En þessi áhrif eru minni ef innflytjendur eru fyrst og fremst karlar, sem ekki ætti að koma á óvart, eins og reyndin hefur verið með innflytjendur frá  Mið-Austurlöndum í Þýsklalandi og í Svíþjóð undanfarin ár.

Niðurstaða fjölda rannsókna hefur verið sú að til þess að stemma stigu við öldrun samfélaga á Vesturlöndum þurfi allt þrennt að fylgjast að;  hærri fæðingatíðni, aukin vinnumarkaðsþátttaka og aðflutningur erlends vinnuafls, ekkert eitt þessara atriða nægi til þess að koma í veg fyrir öldrun samfélaga í Evrópu. Einnig er með öllu óvíst hvað ríkisvaldið getur gert til þess að hafa áhrif á þessa þætti og hversu mikil þau áhrif yrðu,“ segir meðal annars í grein Gylfa. 

Hægt er að gerast áskrifandi að Vísbendingu hér.

Styrkir þú Kjarnann?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og býður almenningi upp á vandaða umfjöllun þar sem áhersla er á gæði og dýpt.  

Ef þú ert nú þegar styrkjandi leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Svandís Svavarsdóttir heilbrigðisráðherra segir ríkisstjórnina ræða málin í þaula og hafa verið í meginatriðum samstíga um aðgerðir í faraldrinum hingað til.
Stjórnmálin falli ekki í þá freistni að gera sóttvarnir að „pólitísku bitbeini“
Svandís Svavarsdóttir heilbrigðisráðherra segir samstöðu í ríkisstjórn um þær hertu aðgerðir sem tóku gildi í dag. Hún segist vilja forðast að sóttvarnir verði að pólitísku bitbeini fyrir kosningar og telur að það muni reyna á stjórnmálin á næstu vikum.
Kjarninn 25. júlí 2021
Steypiregnið ógurlega
Steypiregn er klárlega orðið tíðara og umfangsmeira en áður var. Öll rök hníga að tengingu við hlýnun lofthjúps jarðar. Í tilviki flóðanna í Þýskalandi og víðar hefur landmótun, aukið þéttbýli og minni skilningur samfélaga á eðli vatnsfalla áhrif.
Kjarninn 25. júlí 2021
Ísraelsk stjórnvöld sömdu við lyfjafyrirtækið Pfizer um bóluefni og rannsóknir samhliða bólusetningum.
Alvarlega veikum fjölgar í Ísrael
Það er gjá á milli fjölda smita og fjölda alvarlegra veikra í Ísrael nú miðað við fyrstu bylgju faraldursins. Engu að síður hafa sérfræðingar áhyggjur af þróuninni. Um 60 prósent þjóðarinnar er bólusett.
Kjarninn 25. júlí 2021
Danska smurbrauðið nýtur nú aukinna vinsælda meðal matgæðinga í heimalandinu.
Endurkoma smurbrauðsins
Flestir Íslendingar kannast við danska smurbrauðið, smørrebrød. Eftir að alls kyns skyndibitar komu til sögunnar döluðu vinsældirnar en nú nýtur smurbrauðið sívaxandi vinsælda. Nýir staðir skjóta upp kollinum og þeir gömlu upplifa sannkallaða endurreisn.
Kjarninn 25. júlí 2021
Fjallahjólabrautin við Austurkór var eitt verkefna sem valið var til framkvæmda af íbúum í íbúðalýðræðisverkefninu Okkar Kópavogur í fyrra.
Kópavogsbær skoðar flötu fjallahjólabrautina betur eftir holskeflu athugasemda
Kópavogsbær hefur boðað að fjallahjólabraut við Austurkór í Kópavogi verði tekin til nánari skoðunar, eftir fjölda athugasemda frá svekktum íbúum þess efnis að brautin gagnist lítið við fjallahjólreiðar.
Kjarninn 24. júlí 2021
Með stafrænum kórónuveirupassa fæst QR kóði sem sýna þarf á hinum ýmsu stöðum.
Munu þurfa að framvísa kórónuveirupassa til að fara út að borða
Evrópska bólusetningarvottorðið hefur verið notað vegna ferðalaga innan álfunnar síðan í upphafi mánaðar. Í Danmörku hefur fólk þurft að sýna sambærilegt vottorð til að sækja samkomustaði og svipað er nú uppi á teningnum á Ítalíu og í Frakklandi.
Kjarninn 24. júlí 2021
Eldgosið í Geldingadölum hefur verið mikið sjónarspil. Nú virðist það í rénun.
Ráðherra veitir nafni nýja hraunsins formlega blessun sína
Eins og lög gera ráð fyrir hefur Lilja Dögg Alfreðsdóttir mennta- og menningarmálaráðherra staðfest nafngift nýja hraunsins í landi Grindavíkurbæjar. Fagradalshraun mun það heita um ókomna framtíð.
Kjarninn 24. júlí 2021
Ferðamenn við Skógafoss.
Lágur smitfjöldi talinn mikilvægur fyrir heilsu og hagsmuni ferðaþjónustu
Ótti við að lenda á rauðum listum sóttvarnayfirvalda í Evrópu og Bandaríkjunum var tekinn inn í heildarhagsmunamat ríkisstjórnarinnar varðandi nýjar sóttvarnaráðstafanir innanlands. Á morgun verður mannlífið heft á ný vegna veirunnar.
Kjarninn 24. júlí 2021
Meira úr sama flokkiInnlent