Óvenju­lega mikil hækkun hefur verið á úrvals­vísi­tölu hluta­bréfa­mark­að­ar­ins á árinu en hún hefur hækkað um 32 pró­sent það sem af er ári, og telst það hátt í alþjóð­legum sam­an­burð­i. 

Sé horft til þess hvað skýrir hækk­an­irn­ir, þá vegur þyngst mikil hækkun á mark­aðsvirði Mar­el, en virði þess nemur nú um 475 millj­örðum króna, eða sem nemur tæp­lega 40 pró­sent af heild­ar­virði hluta­fé­laga á mark­aði.

Úrvals­vísi­talan (OMX­I10) hækk­aði um 7,7 pró­sent í nóv­em­ber

Heild­ar­við­skipti með hluta­bréf í nóv­em­ber námu 64,3 millj­örðum eða um 3 millj­ónum á hvern við­skipta­dag. Það er 46 pró­sent hækkun frá fyrri mán­uði, sam­kvæmt sam­an­tekt frá kaup­höll­inni, en í októ­ber námu við­skipti með hluta­bréf um tveimur millj­örðum á hvern við­skipta­dag.  Þetta er 12,3 pró­sent hækkun á milli ára (við­skipti í nóv­em­ber 2018 námu 2.729 millj­ónum á dag). 

Mest voru við­skipti með bréf Marel (MAR­EL), 8,6 millj­arð­ar, Festi (FEST­I), 5,9 millj­arð­ar, Arion banka (ARION ), 5,9 millj­arð­ar, Sím­ans (SIM­INN), 4,9 millj­arðar og Hagar (HAGA), 4,1 millj­arð­ar.

Á Aðal­mark­aði Kaup­hall­ar­innar var Íslands­banki með mestu hlut­deild­ina, 22,9 pró­sent (19,5% á árin­u), Arion banki með 22,6 pró­sent (20,6% á árinu) og Kvika banki með 14,2 pró­sent (13,6% á árin­u).

Í lok nóv­em­ber voru hluta­bréf 24 félaga skráð á Aðal­mark­aði og Nas­daq First North á Íslandi. Nemur heild­ar­mark­aðsvirði skráðra félaga 1.233 millj­örðum króna (sam­an­borið við 1.159 millj­arða í októ­ber).