Nancy Pelosi, for­seti full­trúa­deildar Banda­ríkja­þings, til­kynnti í dag að þing­menn deild­ar­innar myndu vinna að því að ákæra Don­ald Trump Banda­ríkja­for­seta.

Á blaða­manna­fundi, þar sem ákvörð­unin var kynnt, sagði Pelosi að stað­reyndir máls­ins gegn Trump, væru með þeim hætti að ekki væri hjá því kom­ist að grípa til aðgerða. „Lýð­ræði okkar er í húfi,“ sagði Pelosi. „Hann reynir að spilla kosn­ing­unum í eigin þágu. For­set­inn hefur gripið til vald­níðslu, hann grefur undan þjóðar­ör­yggi okkar og stefnir heil­leika kosn­inga okkar í hætt­u.“

Ákvörðun um að hefja und­ir­bún­ing ákæru á hendur for­set­anum byggir meðal ann­ars á mati þriggja laga­pró­fess­ora við Stand­ford, Harvard og Uni­versity of North Carol­ina, sem komu fyrir Banda­ríkja­þing í gær og sögðu frá sínu mati á stöðu for­set­ans, vegna sam­skipta hans við yfir­völd í Úkra­ínu.

Það var mat þess­ara pró­fess­ora allra, að Trump hefði gerst brot­legur við stjórn­ar­skrána, og að hann hefði tekið sér­hags­muni sína fram yfir hags­muni þjóð­ar­inn­ar, og mis­beitt valdi sínu með það að mark­miði að ná fram hlutum fyrir sig per­sónu­lega. 

Ef þetta er ekki brot, þá er ekk­ert brot, sögðu þessir þrír fram­an­greindu pró­fess­orar meðal ann­ar­s. 

Með fyrr­nefndu ákæru­ferli (e. impeach­ment) geta þing­menn opin­ber­lega sótt gegn emb­ætt­is­mönnum rík­is­stjórn­ar­inn­ar. Búist er við því að Repúblikanar muni reyna með öllum ráðum að verja for­set­ann, og hafna þeim mála­til­bún­aði að Trump hafi brotið af sér.