Icelandair hefur gengið frá lána­samn­ingi að fjár­hæð 4,3 millj­arðar króna eða 35 millj­ónir Banda­ríkja­dala við banda­ríska bank­ann CIT Bank til fimm ára. 

Þetta kemur fram í til­kynn­ingu frá félag­inu.

Um er að ræða end­ur­fjár­mögnun í kjöl­far upp­greiðslu skulda­bréfa­flokks félags­ins fyrr á þessu ári.

Mark­aðsvirði Icelandair nemur 43,5 millj­örðum króna, en tölu­verðar sveiflur hafa ein­kennt þróun mark­aðsvirðis félags­ins á und­an­förnum mán­uð­um. Ennþá er félagið að glíma við nei­kvæð áhrif af alþjóð­legri kyrr­setn­ingu á 737 Max vélum frá Boeing, en ekki liggur fyrir enn hvenær þær geta farið að fljúga aft­ur. Ástæðan fyrir kyrr­setn­ing­unni voru flug­slys 29. októ­ber í fyrra í Indónesíu, og 13. mars á þessu ári í Eþíóp­íu. Sam­tals lét­ust 346 í þeim, allir um borð í báðum vél­u­m. 

Eigið fé félags­ins nemur nú rúm­lega 500 millj­ónum Banda­ríkja­dala, eða sem nemur um 60 millj­örðum króna, sé miðað við stöð­una eins og hún var í lok þriðja árs­fjórð­ungs. 

Heild­ar­eignir félags­ins nema um 190 millj­örðum króna, en heild­ar­skuldir voru um 130 millj­arð­ar, sé miðað við stöð­una eins og hún var í lok þriðja árs­fjórð­ungs.