Milla Ósk Magn­ús­dóttir hefur verið ráðin aðstoð­ar­maður Lilju Alfreðs­dóttur mennta- og menn­ing­ar­mála­ráð­herra. ­Sam­hliða mun Haf­þór Eide Haf­þórs­son láta af störf­um, en hann hefur verið mennta- og menn­ing­ar­mála­ráð­herra til aðstoðar frá des­em­ber 2017.

Í frétta­til­kynn­ingu segir að Milla hafi síð­ast­lið­inn ára­tug starfað hjá Rík­is­út­varp­inu, síð­ustu ár sem frétta­maður en áður sem aðstoð­ar­fram­leið­andi frétta og dag­skrár­gerð­ar­kona í útvarpi og sjón­varpi. „Þá var hún vara­for­maður Félags frétta­manna á Rík­is­út­varp­in­u. Milla er með ML-­próf í lög­fræði frá Háskóla Reykja­víkur þar sem hún sér­hæfði sig í fjöl­miðla­rétti, auk þess að leggja áherslu á per­sónu­upp­lýs­inga- og vinnu­rétt. Hún mun hefja störf í ráðu­neyt­inu þann 10. des­em­ber.“

Þetta er í annað sinn á stuttum tíma sem Lilja skiptir um aðstoð­ar­mann. Í byrjun sept­em­ber var greint frá því að Hrannar Pét­­ur­s­­son hefð verið ráð­inn aðstoð­­ar­­maður hennar í stað Jóns Pét­urs Zim­sen, sem hafði látið af störfum í ágúst eftir ár í starf­i. 

Í aðdrag­anda for­­seta­­kosn­­ing­anna í mars 2016 til­­kynnti Hrannar að hann hygð­ist bjóða sig fram til emb­ættis for­­­seta Íslands. Síðar hætti hann við fram­­boðið í ljósi þess að Ólafur Ragnar Gríms­­­son, sitj­andi for­­­seti, hefði ákveðið að bjóða sig fram á ný. Skömmu síð­ar, í maí 2016, var hann ráð­inn aðstoð­ar­maður þáver­andi utan­rík­is­ráð­herra, Lilju Alfreðs­dótt­ur.