Rit­stjóri Skessu­horns segir að frum­varp um stuðn­ing hins opin­bera við einka­rekna fjöl­miðla sé ein­fald­lega lífs­spurs­mál fyrir stað­bundna miðla og hér­aðs­frétta­miðla. 

Magnús Magn­ús­son, rit­stjóri Skessu­horns- Frétta­veitu Vest­ur­lands, lýsir yfir ánægðu með að frum­varp um opin­beran stuðn­ing við einka­rekna fjöl­miðla sé komið fram í umsögn sem hann hefur skilað til alls­herj­ar- og mennta­mála­nefnd­ar. 

Hann segir þar að fram­lagn­ing frum­varps­ins hafi dreg­ist úr hömlu miðað við það sem sagt var þegar frum­varps­drögin voru kynnt í upp­hafi árs 2019. „Ég lít svo á að frum­varp þetta og áhrif þess hafi afger­andi áhrif á fram­tíð all­flestra fjöl­miðla sem falla undir skil­grein­ingu þess. Hér er því um risa­stórt mál að ræða fyrir íslenska fjöl­miðla sem staðið hafa í mik­illi varn­ar­bar­áttu und­an­farin ár, einkum vegna ytri breyt­inga.“

Varð­andi stað­bundna fjöl­miðla og hér­aðs­frétta­miðla eins og Skessu­horn segir Magnús að þá sé frum­varpið ein­fald­lega lífs­spurs­mál. „Loks sýn­ist mér að Rík­is­sjóður muni ekki verða fyrir beinum útgjöldum vegna frum­varps­ins, því ef til þess kæmi ekki, munu fjöl­miðlar tapa töl­unni með til­heyr­andi tekju­missi fyrir Rík­is­sjóð. Ég fagna því frum­varp­inu eins og það hefur verið kynnt.“

Mælt var fyrir frum­varp­inu 16. des­em­ber síð­ast­lið­inn. Í því felst að að end­ur­greiddur verður 18 pró­sent af kostn­aði vegna rit­stjórnar upp að 50 millj­ónum króna, en upp­haf­lega hafði staðið til að hún yrði 25 pró­sent af kostn­aði. Ástæða þess að hlut­fallið var lækkað var and­staðan hluta þing­manna Sjálf­stæð­is­flokks­ins við mál­ið. Auk þess gerir frum­varpið ráð fyrir sér­stökum við­bót­ar­stuðn­ingi sem nemur allt að fjórum pró­­sentum af þeim hluta af launum launa­­manna fjöl­mið­ils sem falla undir lægra skatt­­þrep tekju­skatts­­stofns. Kostn­að­ur­inn við frum­varpið var tak­mark­aður við þær 400 millj­ónir króna sem þegar hefur verið tryggðar til mála­flokks­ins á fjár­lög­um, sem sam­þykkt voru í des­em­ber 2019. 

Á sama tíma lögðu fjórir þing­menn Sjálf­stæð­is­flokks­ins, fram eigið frum­varp um hvernig stuðn­ingur við einka­rekna fjöl­miðla ætti að vera. Sam­kvæmt því yrði hann allur í gegnum afnám trygg­ing­ar­gjalds á fjöl­miðla. Engin kostn­að­ar­grein­ing fylgir frum­varp­inu en við­mæl­endur Kjarn­ans telja að það myndi kosta umtals­vert meira en frum­varp Lilju og að þeir pen­ingar myndu að nán­ast öllu leyti enda hjá þremur stærstu fjöl­miðla­sam­steypum lands­ins: Torgi, Árvakri og Sýn. 

Frum­varp Lilju er nú til með­ferðar hjá alls­herj­ar- og mennta­mála­nefnd sem hefur kallað eftir umsögnum fyrir 10. jan­úar næst­kom­andi.

Auk Skessu­horns hefur Guðni Gísla­son, útgef­andi og rit­stjóri Fjarð­ar­frétta, skilað umsögn, en síð­asta tölu­blað af prent­uðu blaði Fjarð­ar­frétta kom út 18. des­em­ber síð­ast­lið­inn. Ástæðan þess var, sam­kvæmt því sem fram kemur í umsögn­inni, erfitt  rekstr­ar­um­hverfi, áhuga­leysi bæj­ar­yf­ir­valda að nýta blaðið sem aug­lýs­inga­miðil og mis­munun á milli blaða. „Auk þess er sveit­ar­fé­lagið í síauknum mæli í raun að reka eigin fjöl­miðil sem gerir frjálsa blaða­mennsku erf­ið­ar­i.“

Guðni gerði athuga­semd við þá kröfu sem sett er fram í frum­varp­inu að til þess að fá stuðn­ing þurfi að gefa út 48 tölu­blöð og að það væri óljóst hvort að krafa um að einn starfs­maður væri á stað­bundnum miðli fæli í sér að við­kom­andi sinnti ein­ungis frétta­skrif­um, en ekki öðrum störfum lík­a.