Hægagangur áfram í hagkerfinu en stoðirnar sterkar

Eftir kröftugt hagvaxtarskeið er nú allt annað uppi á teningnum á Íslandi. Í nýrri þjóðhagsspá Íslandsbanka kemur fram að hagvöxtur verði hóflegur á næstu árum, raunverð fasteigna muni að mestu standa í stað og að atvinnuleysi muni aukast nokkuð.

Áhorfandi á Austurvelli
Auglýsing

Þjóð­hags­spá Íslands­banka gerir ráð fyrir að hag­vöxtur verði 1,4 pró­sent  þessu ári, og að hann verði 2 til 2,4 pró­sent næstu tvö ár á eft­ir. 

Spáin gerir ráð fyrir áfram­hald­andi hæga­gangi, ef svo má segja, og að atvinnu­leysi muni aukast  frá því sem nú er, áður en það fer aftur minnk­and­i. 

Það er nú rúm­lega 4 pró­sent, og hefur auk­ist nokkuð eftir fall WOW air og sam­drátt því sam­hliða í ferða­þjón­ustu. Spáin gerir ráð fyrir að atvinnu­leysi fari í 4,4 pró­sent á þessu ári, en verði svo komið í 3,8 pró­sent á næsta ári. 

Auglýsing

Í spánni segir að þrátt fyrir að atvinnu­leysi sé að aukast, þá séu stoðir hag­kerf­is­ins á flesta mæli­kvarða sterk­ar. Þannig hafi hag­kerfið í raun náð meiri styrk en var fyrir hendi fyrir hrun fjár­mála­kerf­is­ins, haustið 2008. 

Úr þjóðhagspá Íslandsbanka.

„Helsta skýr­ing þessa er að þriðja auð­lind­in, þ.e. sér­staða Íslands og ís­­lenskr­ar nátt­úru, bætt­ist við fiski­miðin og end­­ur­nýj­an­­lega orku sem meg­in­und­ir­­staða út­­flutn­ings­tekna. Auk þess tókst far­­sæl­­lega til við úr­­lausn mála tengdra banka­hrun­inu og ár­ang­­ur­s­­rík hag­­stjórn hef­ur einnig lagt lóð á vog­­ar­­skál­­arn­­ar,“ segir í spánn­i. 

Spá Íslands­banka gerir ráð fyrir að hús­næð­is­verð hækki lítið sem ekk­ert næstu árin. Raun­verð fast­eigna, það er verð­þróun að teknu til­liti til verð­bólgu, hækk­aði um 0,4 pró­sent í fyrra - sem er minnsta hækkun frá árinu 2012 - en spá Íslands­banka gerir ráð fyrir að raun­verð hækki um 0,6 pró­sent á ári næstu tvö árin. „Það sem styður þessa skoðun okkar er einna helst aukið fram­boð íbúða, hæg­ari kaup­mátt­ar­aukn­ing, aukið atvinnu­leysi ásamt hæg­ari fólks­fjölg­un. Hag­stæð kjör á íbúða­lánum auk stuðn­ings hins opin­bera við kaup­endur styðja hins vegar áfram­við­verð­ið. Má segja að þessi þróun á íbúða­mark­aðnum sé að mörgu leyti kær­kom­in. Meiri ró hefur færst yfir mark­að­inn eftir ólgu­tíma­bil síð­ustu ár,“ segir í spánni.

Óhætt er að segja að þetta sé mikil breyt­ing frá því sem var á árunum 2012 og fram á síð­asta ár. Mest mæld­ist árs­hækkun hús­næðis 23,5 pró­sent, vorið 2017.

Ert þú í Kjarnasamfélaginu?

Kjarninn er opinn vefur en líflínan okkar eru frjáls framlög frá lesendum, Kjarnasamfélagið. Sú stoð undir reksturinn er okkur afar mikilvæg.

Með því að skrá þig í Kjarnasamfélagið gerir þú okkur kleift að halda áfram að vinna í þágu almennings og birta vandaðar fréttaskýringar, djúpar greiningar á efnahagsmálum og annað fréttatengt gæðaefni. 

Kjarninn hefur verið til taks fyrir kröfuharða lesendur undanfarin sjö ár og við ætlum okkur að standa vaktina áfram. 

Fyrir þá sem nú þegar eru stoltir styrkjendur Kjarnans þá leyfum við okkur að benda á að hægt er að óska eftir að hækka mánaðarlega framlagið með því að senda póst á takk@kjarninn.is


Já takk, ég vil styrkja Kjarnann!
Icelandair Group er efst á lista, enda með meira en eitt og hálft prósent íslenska vinnumarkaðarins í hlutastarfi í mars og apríl.
Fyrirtækin sem fengu mest út úr hlutabótaleiðinni í mars og apríl
Í skýrslu Ríkisendurskoðunar um hlutabótaleiðina má finna niðurbrot á því hversu mikið fé rann frá Vinnumálastofnun til starfsmanna fyrirtækja sem nýttu hlutabótaleiðina í mars og apríl. Kjarninn tók það helsta saman.
Kjarninn 28. maí 2020
Samkeppniseftirlitið sektar Símann um 500 milljónir
Samkvæmt Samkeppniseftirlitinu hefur Síminn brotið gegn skilyrðum í sáttum sem fyrirtækið hefur á undanförnum árum gert við eftirlitið. Það telur að brotin séu alvarleg og sektar Símann vegna þessa um 500 milljónir króna. Síminn ætlar að áfrýja.
Kjarninn 28. maí 2020
Skúli Eggert Þórðarson er ríkisendurskoðandi.
Talin hafa breytt launaseðlum til að ná hærri greiðslum úr ríkissjóði vegna hlutabótaleiðar
Ríkisendurskoðun telur að leiða megi líkum að því að ákveðinn hópur sem nýtti sér hlutabótaleiðina hafi breytt áður uppgefnum launum til hækkunar svo þeir myndu fá hærri greiðslur úr ríkissjóði. Hækkunin í heild nemur 114 milljónum króna.
Kjarninn 28. maí 2020
Oddný G. Harðardóttir vill að uppsagnarstyrkjum verði breytt.
Vill banna þeim sem átt hafa í fjárhagslegum tengslum við skattaskjól að fá uppsagnarstyrk
Oddný G. Harðardóttir hefur lagt fram breytingartillögu við frumvarp um stuðning úr ríkissjóði vegna greiðslu launakostnaðar í uppsagnarfresti. Kallar eftir aðgerðum fyrirtækja í loftslagsmálum, endurgreiðslu styrkja og þaki á laun stjórnenda.
Kjarninn 28. maí 2020
Svört skýrsla um hlutabótaleiðina sýnir grun um misnotkun
Ríkisendurskoðun gagnrýnir framkvæmd hlutabótaleiðarinnar harðlega í skýrslu sem hún hefur unnið. Of margir sem áttu ekki í bráðum rekstrarvanda hafi nýtt sér hana til að sækja fjármuni í ríkissjóð og misbrestur hafi verið á eftirliti.
Kjarninn 28. maí 2020
Smári McCarthy, þingmaður Pírata.
Hægt sé að lesa á milli línanna og sjá hvaða fyrirtæki uppsagnarstyrkir séu hugsaðir fyrir
Þingmaður Pírata telur líklegt að sagan muni dæma frumvarp um að greiða 27 milljarða króna í styrkti til fyrirtækja til að hjálpa þeim að segja upp fólki, sem mistök. Stöðugleika þorra launamanna sé fórnað fyrir hagsmuni nokkurra fyrirtækjaeigenda.
Kjarninn 28. maí 2020
Framhaldsskólinn var styttur úr fjórum árum í þrjú.
Vísbendingar um lægri meðaleinkunn í HÍ eftir styttingu framhaldsskólanáms
Andlegri heilsu nemenda, aðallega stúlkna, hefur hrakað frá því að framhaldsskólanámið var stytt um eitt ár. Sú þróun hófst þó talsvert fyrr en námstímanum var breytt, segir í skýrslu menntamálaráðherra um áhrif styttingarinnar á ýmsa þætti.
Kjarninn 28. maí 2020
Tæknivarpið
Tæknivarpið
Tæknivarpið – Apple gleraugu á leiðinni
Kjarninn 28. maí 2020
Meira úr sama flokkiInnlent