Ell­efu aðild­ar­fé­lög Banda­lags háskóla­manna (BHM) hafa sent frá sér yfir­lýs­ingu þar sem bent er á að í vik­unni hafi land­lækn­ir, sótt­varna­læknir og almanna­varnir biðlað til heil­brigð­is­starfs­manna og ann­arra sem starfa við við­búnað vegna kór­ónu­veirunnar sem veldur COVID-19 að fresta utan­lands­ferðum eftir því sem kostur er. „Þessum til­mælum er meðal ann­ars beint til margra félags­manna eft­ir­tal­inna ell­efu aðild­ar­fé­laga BHM sem starfa innan heil­brigð­is­kerf­is­ins og á öðrum mik­il­vægum stofn­unum rík­is­ins.“

Að mati félag­anna sýna til­mælin „glögg­lega hve mik­il­vægir umræddir starfs­menn eru íslensku sam­fé­lag­i.“ 

Það skjóti því skökku við að nú sé næstum liðið heilt ár frá því að kjara­samn­ingar félag­anna við ríkið hafi losnað og enn hafi við­ræður um nýja samn­inga engum árangri skil­að. Ganga verði til samn­inga við félögin án tafar og aflétta þannig því við­bót­ar­á­lagi á starfs­fólk sem óhjá­kvæmi­lega fylgi því að vera án kjara­samn­inga í tæpt ár. Þau séu ómissandi en samn­ings­laus í skugga kór­ónu­veirunn­ar. 

„Fé­lögin ell­efu furða sig á því hve lít­inn samn­ings­vilja rík­is­valdið hefur sýnt í við­ræð­unum til þessa. Þau krefj­ast þess að fá raun­veru­legt sam­tal við við­semj­end­ur, að hlustað verði á sjón­ar­mið félag­anna og komið til móts við kröfur þeirra,“ segir í til­kynn­ing­unn­i. 

BHM-­fé­lögin ell­efu eru:

• Dýra­lækna­fé­lag Íslands
• Félag geisla­fræð­inga
• Félag íslenskra hljóm­list­ar­manna
• Félag íslenskra nátt­úru­fræð­inga
• Félag líf­einda­fræð­inga
• Félags­ráð­gjafa­fé­lag Íslands
• Iðju­þjálfa­fé­lag Íslands
• Kjara­fé­lag við­skipta­fræð­inga og hag­fræð­inga
• Ljós­mæðra­fé­lag Íslands
• Sál­fræð­inga­fé­lag Íslands
• Þroska­þjálfa­fé­lag Íslands.