Þriggja milljarða stefnu Ingibjargar og Jóns Ásgeirs á hendur Sýn vísað frá

Ingibjörg Pálmadóttir og Jón Ásgeir töldu að málshöfðun Sýn á hendur þeim hefði valdið hjónunum orðsporshnekki og sett ábatasöm viðskipti þeirra erlendis í uppnám. Þau stefndu fyrirtækinu og vildu þrjá milljarða í bætur. Héraðsdómur vísaði máliinu frá.

Ingibjörg Pálmadóttir og Jón Ásgeir Jóhannesson.
Ingibjörg Pálmadóttir og Jón Ásgeir Jóhannesson.
Auglýsing

Stefnu hjón­anna Ingi­bjargar Pálma­dóttur og Jóns Ásgeirs Jóhann­es­son­ar, og félags þeirra 365 ehf., á hendur fjar­skipta- og fjöl­miðla­fyr­ir­tæk­inu Sýn, þar sem þau kröfð­ust þriggja millj­arða króna í bætur fyrir m.a. orð­spors­hnekki, hefur verið vísað frá í hér­aðs­dómi Reykja­vík­ur. Það gerð­ist í síð­ustu viku, nánar til­tekið 28. októ­ber. 

Sam­kvæmt því sem fram kemur í árs­hluta­reikn­ingi Sýnar töld­ust „dóm­kröfur stefn­enda óljósar og óskýrar og slíkir ann­markar á mála­til­bún­aði að mál­inu var vísað frá. Stefn­endur hafa kært úrskurð­inn til Lands­rétt­ar.

Sam­kvæmt stefn­unni i mál­inu töldu Ingi­björg og Jón Ásgeir að stefna Sýnar á hendur þeim, þar sem þau eru krafin um háa greiðslu vegna brots á kaup­samn­ingi sem gerður var árið 2017, hafi skaðað þau „hug­hrif að stefn­endur séu aðilar sem standi ekki við gerða samn­inga og skuldi háar fjár­hæðir þegar fyrir liggur að orð­spor er þeim einkar mik­il­vægt í við­skiptum frá degi til dags.“ 

Þau sögðu að mála­til­bún­að­ur­inn hefði valdið þeim miklum óþæg­ind­um, meðal ann­ars í sam­skiptum við fjár­mála­stofn­an­ir, og við­búið væri að svo yrði áfram eftir því sem málið komst í kast­ljós fjöl­miðla. Ábata­söm við­skipti þeirra á erlendum vett­vangi væru líka þegar í upp­námi vegna mál­sókn­ar­inn­ar. 

Enn fremur töldu þau að að mark­mið Sýnar með því að stefna sér væri að „breiða yfir afleitan rekstur Sýnar frá því að félagið tók við eignum 365 á ljós­vaka- og fjar­skipta­mark­að­i.“

Kveðið á um sam­keppn­is­bann

For­saga máls­ins er sú að Sýn keypti hluta af fjöl­miðla­veldi 365 á árinu 2017 fyrir alls 7,9 millj­arða króna. Um var að ræða alla ljós­vaka­miðlar félags­­ins og frétta­vef­inn Vísi.­is. Eftir í 365 stóð Frétta­­blaðið og tengdir miðlar sem voru svo seldir til nýrra eig­enda í fyrra og eru nú reknir í félag­inu Torgi ehf.

Auglýsing
Í kaup­samn­ingi var kveðið á um að Ingi­björg og Jón Ásgeir mættu ekki fara í sam­keppni við þá miðla sem Sýn hefði keypt í til­tek­inn tíma. 

Rekstur fjöl­miðla Sýnar hafa ekki gengið vel frá því að kaupin áttu sér stað. Í byrjun árs lækk­aði félagið til að mynda við­skipta­vild vegna fjöl­miðl­anna sem keyptir voru um 2,5 millj­arða króna. 

Tekjur Sýnar af fjöl­miðla­rekstri dróg­ust saman um 446 millj­ónir króna milli áranna 2018 og 2019 og á fyrstu níu  mán­uðum yfir­stand­andi árs dróg­ust tekjur félags­­ins vegna fjöl­miðla­hluta rekst­­ur­s­ins saman um 565 millj­­ónir króna frá sama tíma­bili í fyrra. 

Stefnt út af hlað­varpi og Hring­braut

Sýn ákvað að stefna hjón­unum og 365 vegna þess að stjórn­­endur Sýnar telja að teng­ing vef­mið­ils­ins fretta­bla­did.is við ljós­vaka­miðla, bæði útvarp og sjón­­varp, sé með öllu óheimil sam­­kvæmt kaup­­samn­ingnum frá árinu 2017. Mið­ill­inn haldi úti hlað­varpi, vísi á vef sjón­­varps­­stöðv­­­ar­innar Hring­brautar (líka í eigu Torgs) af for­­síðu sinni og sýni ýmis konar mynd­­bönd, sem telj­ist ljós­vaka­efn­i. Vegna þessa hefur Sýn farið fram á að hinir stefndu greiði sér fimm millj­ónir króna fyrir hvern dag sem lið­inn er frá samn­ings­broti. Í lok fyrsta árs­fjórð­ungs stóð sú tala í 1,7 millj­arði króna. Í dag hefur hún hækkað nokk­uð, og er lík­lega komin yfir tvo millj­arða króna. Þessi mála­rekstur er enn í gangi fyrir dóm­stól­um.

Í nú frá­vís­aðri gagn­stefnu Ingi­bjargar og Jóns Ásgeirs, sem Mark­að­ur­inn fjall­aði ítar­lega um í vor, var þessu með öllu hafn­að. Fyrir því voru tvö meg­in­rök. Í fyrsta lagi seldi 365 eft­ir­stand­andi miðla sína, sem að uppi­stöðu var Frétta­blaðið og vefur þess, til Helga Magn­ús­sonar fjár­festis og sam­starfs­manna hans í fyrra í tveimur skref­um. Þegar það síð­ara var stig­ið, í októ­ber, var sjón­varps­stöð­inni Hring­braut og tengdri síðu rennt inn í Torg, útgáfu­fé­lag Frétta­blaðs­ins. Þá þegar hafði Frétta­blaðið hafið fram­leiðslu og birt­ingu á hlað­varpi á fretta­bla­did.­is. 

Hjónin höfn­uðu því að umrædd hlað­varps­gerð væri sam­keppni við þá ljós­vaka­miðla sem seldir höfðu verið til Sýn­ar. Auk þess sögð­ust þau ekki bera ábyrgð á sjón­varps­rekstri Hring­braut­ar, enda hefðu þau verið búin að selja fjöl­miðl­anna þegar honum var rent inn í útgáfu­fé­lag Frétta­blaðs­ins. Það hafi ekki verið staf krókur um það í kaup­samn­ingnum að þau hafi verið skuld­bundin til þess að sjá til þess að óskyldur þriðji aðili yrði bund­inn af sam­keppn­is­bann­inu.

Hér­aðs­dómur Reykja­víkur vís­aði mál­inu frá 28. októ­ber síð­ast­lið­inn þar sem dóm­kröfur Ingi­bjarg­ar, Jóns Ásgeirs og 365 ehf., töld­ust óljósar og óskýrar og slíkir ann­markar á mála­til­bún­aði að vísa þyrfti mál­inu frá. Þeirri nið­ur­stöðu hef­ur, líkt og áður sagði, verið áfrýjað til Lands­rétt­ar.

Skiptir Kjarninn þig máli?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Við erum til staðar fyrir lesendur og fjöllum um það sem skiptir máli.

Ef Kjarninn skiptir þig máli þá máttu endilega vera með okkur í liði.

Já takk, ég vil styrkja Kjarnann!
Rannsóknarskipið Hákon krónprins við rannsóknir í Norður-Íshafi.
Ískyggilegar niðurstöður úr Norður-Íshafi
Lífríkið undir ísnum í Norður-Íshafinu er ekki það sem vísindamenn áttu von á. Í nýrri rannsókn kom í ljós að vistkerfið einkennist ekki af tegundum sem helst einkenna hin köldu heimskautasvæði.
Kjarninn 17. ágúst 2022
Ingrid Kuhlman
Tölum um dauðann
Kjarninn 17. ágúst 2022
Lilja Alfreðsdóttir er menningar- og viðskiptaráðherra.
Stefnt að því að sameina þrjá tónlistarsjóði í einn og skilgreina Sinfó sem þjóðareign
Menningar- og viðskiptaráðherra hefur lagt fram drög að nýjum heildarlögum um tónlist. Stofna á Tónlistarmiðstöð, sjálfseignarstofnun sem á að verða hornsteinn íslensks tónlistarlífs og rekin með svipuðum hætti og Íslandsstofa.
Kjarninn 17. ágúst 2022
Í sumar hafa tugir borga í Kína lýst yfir hættuástandi vegna hita.
Verksmiðjum lokað og mikill uppskerubrestur blasir við
Hitabylgja sumarsins hefur haft gríðarleg áhrif á stórum landsvæðum í Kína. Rafmagn er skammtað og algjörum uppskerubresti hefur þegar verið lýst yfir á nokkrum svæðum.
Kjarninn 17. ágúst 2022
Seðlabankinn mun kynna næstu stýrivaxtaákvörðun í næstu viku.
Búast við að stýrivextir verði komnir upp í sex prósent í byrjun næsta árs
Markaðsaðilar vænta þess að verðbólgan sé við hámark nú um stundir en að hún muni hjaðna hægar. Í vor bjuggust þeir við að verðbólga eftir ár yrði fimm prósent en nú telja þeir að hún verði 5,8 prósent.
Kjarninn 17. ágúst 2022
Segja toppana í samfélaginu hafa tekið sitt og að lágmark sé að launafólk fái það sama
Í Kjarafréttum Eflingar er lagt til að almenn laun hækki um 52.250 krónur á mánuði miðað við núverandi verðbólgu. Ríkið þurfi auk þess að koma að kjarasamningaborðinu með tug milljarða króna aðgerðir til að bæta stöðu þeirra verst settu í samfélaginu.
Kjarninn 17. ágúst 2022
Starfsmenn Hvals hf. komu dróna svissneska ríkisfjölmiðilsins til lögreglunnar á Akranesi án þess að til húsleitaraðgerðar þyrfti að koma.
Hvals-menn skiluðu dróna svissneska ríkisfjölmiðilsins til lögreglu
Lögreglan á Akranesi fékk kvikmyndatökudróna sem starfsmenn Hvals hf. hirtu af starfsmönnum svissnesks ríkisfjölmiðils afhentan og kom honum til eigenda sinna. Bæði drónaflugið og drónastuldurinn eru á borði lögreglunnar.
Kjarninn 17. ágúst 2022
Suðurhringþokan mynduð af WEBB-sjónaukanum í tveimur ólíkum útfærslum.
2.000 ljósár á sextíu sekúndum
Þau sem dreymir um að ferðast um geiminn ættu ekki að láta nýtt myndband geimferðastofnana Bandaríkjanna og Evrópu framhjá sér fara. Á sextíu sekúndum er boðið upp á 2.000 ljósára ferðalag með hjálp hins magnaða WEBB-sjónauka.
Kjarninn 16. ágúst 2022
Meira úr sama flokkiInnlent