Pen­inga­stefnu­nefnd Seðla­bank­ans hefur ákveðið að halda meg­in­vöxtum sínum óbreyttum í 0,75 pró­sent­um, sam­kvæmt til­kynn­ingu sem þeir birtu fyrr í dag. 

Í til­kynn­ing­unni bendir nefndin á nýj­ustu hag­spá Seðla­bank­ans, en sam­kvæmt henni varð efna­hags­sam­drátt­ur­inn minni á síð­ustu mán­uðum síð­asta árs sökum sterk­ari eft­ir­spurnar inn­an­lands en áður var talið. Á þessu ári séu einnig horfur á að inn­lend eft­ir­spurn vaxi meira en áður var spáð, en á móti vegi lak­ari útflutn­ings­horf­ur. 

Nefndin spáir því að verð­bólga, sem mælist 4,3 pró­sent í þessum mán­uði, verði um 3,9 pró­sent að með­al­tali á fyrstu þremur mán­uðum árs­ins. Búist er við að verð­bólgan hjaðni til­tölu­lega hratt er líður á árið, þar sem tölu­verður slaki sé til staðar í þjóð­ar­bú­inu og gengi krón­unnar hefur hækkað und­an­farna mán­uð­i.  

Nefndin seg­ist munu beita þeim tækjum sem hún hefur yfir að ráða til að styðja við þjóð­ar­bú­skap­inn og tryggja að verð­bólga hjaðni aftur í mark­mið innan ásætt­an­legs tíma. Næsti vaxta­á­kvörð­un­ar­dagur nefnd­ar­innar er þann 24. mar­s.