Áhættu­fjár­fest­inga­sjóð­ur­inn Frum­tak 2 ráð­gerir að fjár­festa í að minnsta kosti fjórum fyr­ir­tækjum það sem eftir lifir árs fyrir sam­tals einn millj­arð króna. Sjóð­ur­inn, sem stofn­aður var fyrr á þessu ári, hefur enn sem komið er ekki til­kynnt um neinar fjár­fest­ing­ar.

Frá þessu er greint á vef­síð­unni Norð­ur­skautið, frétta­síðu um nýsköpun á Íslandi. Fjár­fest­ing­ar­geta Frum­taks 2 er sam­tals fimm millj­arðar króna en sjóð­ur­inn er í rekstri Frum­taks, sem áður hefur meðal ann­ars fjár­fest í fyr­ir­tækj­unum Data­Mar­ket, Meniga og Hand­point.

Í ár hefur verið til­kynnt um þrjá nýja fjár­fest­inga­sjóði sem ein­blína á fjár­fest­ingar í nýsköp­un­ar- og sprota­fyr­ir­tækj­um. Þeir eru Frum­tak 2, Eyrir Sprotrar og Brunn­ur. Sam­an­lögð fjár­hæð sem sjóð­irnir stefna á að setja í fyr­ir­tæki á mis­mun­andi vaxta­stigum er 11,5 millj­arðar króna. Sjóður Frum­taks er stærstur sjóð­anna þriggja og áætlar að fjár­festa í nýsköp­un­ar­fyr­ir­tækjum fyrir fimm millj­arða króna, að því er fram kemur í úttekt um sjóð­ina þrjá á vef­síðu Norð­ur­skauts­ins. Stærð Eyris Sprota, sem er í rekstri félags­ins Eyrir Invest, er 2,5 millj­arðar króna og Brunn­ur, sjóður í rekstri Lands­bank­ans, er fjórir millj­arðar að stærð. Sjóð­irnir hafa enn sem komið er ekki til­kynnt um fjár­fest­ingar í fyr­ir­tækj­um.

Úttekt Norð­ur­skauts­ins á fjár­fest­inga­sjóð­un­um.