Fiski­mjöls­verk­smiðjur munu, að minnsta kosti margar hverjar, brenna olíu í vetur frekar en að nota raf­magn til að starf­rækja starf­semi sína. Ástæðan er verð­hækkun Lands­virkj­unar á ótryggðri orku og fallandi heims­mark­aðs­verð á olíu. Þetta kemur fram í Morg­un­blað­inu í dag.

Mun umhverf­is­vænna er að not­ast við raf­magn til að reka verk­smiðj­urnar en svartol­íu.

Þar segir að flestar fiski­mjöls­verk­smiðjur lands­ins hafi verið raf­væddar að hluta eða öllu leyti með til­heyr­andi kostn­aði. Blaðið segir að for­sendur fjár­fest­ing­anna hafi í flestum til­vikum verið  „að hægt yrði að kaupa ótryggða orku á hag­kvæmu verði og því hefur olíu­kötl­unum verið haldið við þannig að hægt væri að grípa til þeirra ef raf­magn hefur verið skammt­að“.

Að und­an­förnu hafa mörg fyr­ir­tækin end­ur­samið um orku­kaup við dreif­ing­ar­fyr­ir­tæki og þá hafa taxt­arnir hækkað veru­lega. Frið­rik Már Guð­munds­son, fram­kvæmda­stjóri Loðnu­vinnsl­unnar á Fáskrúðs­firði, segir við Morg­un­blaðið að „eins og staðan er núna munum við brenna olíu í vetur í stað þess að kaupa raf­magn“. Ástæðan sé sú að raf­orka verði ekki sam­keppn­især við olíu í verði. Páll Snorra­son, fram­kvæmda­stjóri fjár­mála- og rekstr­ar­sviðs Eskju á Eski­firði, segir að um þessar mundir sé hægt að festa sér olíu á hag­kvæmu verði til notk­unar út árið.

Félag íslenskra fiski­mjöls­fram­leið­enda hefur óskað eftir fundi með Lands­virkjun í þess­ari viku til að fá skýr­ingar á verð­hækk­un­um.