Í lið­inni viku var greint frá því að Isa­via hafi úthlutað styrkjum úr sam­fé­lags­sjóði sínum fyrir fyrri hluta árs­ins 2015. Fjöl­margar umsóknir bár­ust en ein­ungis var hægt að verða við beiðnum um styrki til 21 aðila. Alls úthlut­aði Isa­via 4.755.000 krónum til þeirra. Á meðal styrk­hafa voru ýmis góð­gerð­ar­fé­lög, íþrótta­fé­lög á Suð­ur­nesjum og ein­stak­ling­ar.

Í til­kynn­ing­u um málið er haft eftir Birni Óla Hauks­syni, for­stjóra Isa­via að það sé "mjög ánægju­legt fyrir okkur að styrkja þessi góðu mál­efni og ég er sann­færður um að styrkirnir komi að góðum notum og nýt­ist þar sem þeirra er þörf.  Við hjá Isa­via styðjum við bakið á hinum ýmsu sam­fé­lags­legu mál­efnum í gegnum styrkt­ar­sjóði okk­ar. Auk fyrr­greindra styrkja er megin fjár­hags­stuðn­ingur fyr­ir­tæk­is­ins til björg­un­ar­sveita um allt land í gegnum Styrkt­ar­sjóð Isa­via hjá Lands­björg­u. Þá eru stað­settir söfn­un­ar­baukar fyrir 5 góð­gerð­ar­fé­lög í flug­stöð­inni á Kefla­vík­ur­flug­velli sem njóta góðs af fjár­fram­lögum far­þega í flug­stöð­inni. Auk þessa hefur Isa­via verið með sam­starfs­samn­ing við HR og HÍ um styrki til meist­ara- og dokt­ors­verk­efna."

Isa­via ann­ast rekstur og upp­bygg­ingu allra flug­valla á Íslandi og stýrir flug­um­ferð í íslenska flug­stjórn­ar­svæð­inu. Fyr­ir­tækið er að öllu leyti í eigu eins aðila, íslenska rík­is­ins. Það má því velta því fyrir sér af hverju fyr­ir­tæki sem er að fullu í eigu skatt­greið­enda er að veita geð­þótta­styrki til nær­sam­fé­lags­ins?