Arion banki segir að hug­leið­ingar Róberts Guð­finns­son­ar, athafna­manns á Siglu­firði, um sam­ein­ingu AFLs spari­sjóðs og bank­ans, og ummæli hans um ýmsa þá ein­stak­linga sem að mál­efnum AFLs hafa kom­ið, ekki vera svara­verð­ar. Þetta kemur fram í til­kynn­ingu frá bank­anum vegna pistils Róberts sem birt­ist á vefnum Siglo.is fyrr í dag.

Í pistl­inum sagði Róbert að ráð­andi öfl í Arion banka hefðu lagst svo lágt að inn­lima AFL spari­sjóð með ofbeldi til að hylma yfir klúður yfir­manna bank­ans í upp­stokkun á fjár­hag hans. Þessi litla lána­stofnun sem varð til við sam­ein­ingu Spari­sjóðs Skaga­fjarðar og elstu pen­inga­stofn­unar lands­ins, Spari­sjóðs Siglu­fjarð­ar, muni nú renna inn í sjóði erlendra vog­un­ar­sjóða undir nafni Arion banka.

Þar hellir hann sér auk þess yfir Arion banka, bæði almennt og vegna inn­limunar AFLs spari­sjóðs. Róbert segir meðal ann­ars að í stjórn Arion banka hafi settir útbrunnir ein­stak­lingar með tak­mark­aða getu til umbreyt­ingu sem þjóna vog­un­ar­sjóðum og að í banka­stjóra­stólnum sitji síbrota­maður (Hösk­uldur Ólafs­son) sem „á feril í fyr­ir­tækjum sem ítrekað hafa verið í rann­sókn vegna brota á sam­keppn­is­lög­um“. Yfir fyr­ir­tækja­svið­inu sé „Quisl­ing­ur“ (Hall­dór Bjarkar Lúð­víks­son) sem hafi keypt sér frið­helgi hjá Sér­stökum sak­sókn­ara gegn því að vitna gegn fyrrum sam­starfs­mönnum sín­um.

Í til­kynn­ingu Arion banka, sem greint er frá á mbl.is, vegna skrifa Róberts segir enn­frem­ur:

„Hvað varðar al­var­­lega stöðu AFLs þá vísa ég til nið­ur­­­stöðu Fjár­­­mála­eft­ir­lits­ins og Sam­keppn­is­eft­ir­lits­ins. Staða spari­­­sjóðs­ins, sem hef­ur þjónað íbú­um Siglu­fjarðar og Sauð­ár­­króks um langa hríð, hef­ur því miður til margra ára verið mjög slæm. Sjóð­ur­­inn hef­ur þurft stuðn­ing og fyr­ir­greiðslu frá Ari­on banka sem bank­inn hef­ur veitt, þrátt fyr­ir að hafa ekki stjórn­­un­­ar­­lega aðkomu að sjóðnum fyrr en ný­ver­ið.

Að vel at­hug­uðu máli margra aðila, þar með talið Fjár­­­mála­eft­ir­lits­ins, Sam­keppn­is­eft­ir­lits­ins, KPMG og ann­arra óháðra skoð­un­­ar­­manna, er ljóst að staða AFLs í dag er það al­var­­leg að ekki er hægt að halda áfram með það sölu­­ferli sem farið var í gang. Nið­ur­staða dóms­­mála vegna ágrein­ings um lög­­­mæti er­­lendra lána myndi ekki breyta þess­­ari stað­reynd. Því er ekk­ert annað í stöð­unni til að af­­stýra enn frek­­ara tjóni en að sam­eina AFL spari­­­sjóð Ari­on banka, en AFL hef­ur verið hluti af sam­­stæðu­reikn­ingi Ari­on banka um ára­bil.

Við hjá Ari­on banka mun­um leggja okk­ur fram um að veita öfl­­uga þjón­­ustu í Fjalla­­byggð bæði á Siglu­f­irði og Ólafs­­firði sem og i Skagaf­irð­i.“