Arnar Þór Jóns­son, lektor við Háskól­ann í Reykja­vík, Lár­entsínus Krist­jáns­son hæsta­rétt­ar­lög­maður og Pétur Dam Leifs­son, dós­ent við laga­deild Háskóla Íslands, voru metnir hæf­astir til að gegna emb­ætti dóm­ara við Hér­aðs­dóm Reykja­vík­ur. Er það nið­ur­staða dóm­nefndar sem fór yfir hæfi umsækj­enda að menn­irnir þrír séu hæf­astir til að hljóta skipun í emb­ættið og að ekki séu efni til að gera upp á milli hæfni þeirra.

Greint er frá nið­ur­stöðu dóm­nefndar á vef inn­an­rík­is­ráðu­neyt­is­ins. Þar má lesa umsögn hennar í heild.

Emb­ættið var aug­lýst þann 12. júní síð­ast­lið­inn og alls bár­ust sjö umsókn­ir. Auk þeirra þriggja sem eru metnir hæf­astir þá sóttu um emb­ættið þau Berg­lind Bára Sig­ur­jóns­dótt­ir, skrif­stofu­stjóri umboðs­manns Alþing­is, Haf­steinn Dan Krist­jáns­son, aðstoð­ar­maður umboðs­manns Alþing­is, Stef­anía G. Sæmunds­dótt­ir, settur sak­sókn­ari, og Stefán Erlends­son, hér­aðs­dóms­lög­maður og lög­fræð­ingur hjá Vega­gerð­inni.

Inn­an­rík­is­ráðu­neytið fór þess á leit við dóm­nefnd að hún léti í té umsögn um hæfi umsækj­enda, sam­kvæmt lögum um dóm­stóla, og skil­aði hún umsögn sinni þann 1. sept­em­ber síð­ast­lið­inn.