Árni Oddur Þórð­ar­son, for­stjóri Mar­el, hlaut útnefn­ing­una við­skipta­fræð­ingur árs­ins 2015 af Félagi við­skipta­fræð­inga og hag­fræð­inga (FV­H). Vernd­ari verð­laun­anna, Ólafur Ragnar Gríms­son for­seti Íslands, afhenti verð­launin við hátíð­lega afhöfn í dag á Íslenska þekk­ing­ar­deg­in­um. Þetta kemur fram í frétta­til­kynn­ingu frá FVH sem send var fjöl­miðlum síð­deg­is.

Árni Oddur tók við starfi for­stjóra Marel síðla árs 2013, en áður hafði hann gegnt stöðu for­stjóra Eyris Invest. Þá á hann sæti í stjórn félags­ins Fokker Technologies.

Í umsögn dóm­nefndar segir meðal ann­ars: „Hjá Marel hefur mikið vatn runnið til sjávar á þeim tíma  sem  Árni Oddur hefur verið for­stjóri og hefur hann leitt félagið gegnum miklar breyt­ingar með nýsköpun og fram­sækni að leið­ar­ljósi.

Árið 2014 var ár breyt­inga í rekstri Marel en í upp­hafi árs­ins var ákveðið að ráð­ast í veiga­miklar hag­ræð­ing­ar­að­gerðir til þess að ein­falda og straum­línu­laga rekst­ur­inn. Hjá félag­inu starfa yfir 4000 manns í yfir 30 löndum en hér á landi starfa um 500 manns. Þó enn sé margt óunnið þá hefur félag­inu tek­ist að breyta miklu í rekstr­inum á einu ári og hafa breyt­ing­arnar gengið vel og örugg­lega fyrir sig.

Verk­smiðj­urnar sem áður voru 19 eru orðnar 14 og það mátti sjá jákvæð merki í upp­gjöri árs­ins 2014. Rekstr­ar­hagn­aður jókst ásamt tekjum og hafa mark­aðs­að­ilar spáð fyr­ir­tæk­inu góðu gengi ef áfram heldur sem horf­ir. Nýsköpun félags­ins til að nýta afurðir betur ásamt því að nýta orku og vatn á hag­kvæman hátt er að skila sér í rekstr­in­um. Það eru því spenn­andi tímar framundan hjá Mar­el.“

Þá hlaut fyr­ir­tækð Ker­ecis ­Ís­lensku þekk­ing­ar­verð­launin í ár en Ker­ecis ásamt ORF Líf­tækni og Car­bon Recycl­ing International voru til­nefnd til þekk­ing­ar­verð­launa FVH.