Mið­stjórn Alþýðu­sam­bands Íslands ASÍ gagn­rýnir í til­kynn­ingu harð­lega þá afstöðu Sam­taka atvinnu­lífs­ins (SA) að neita að ræða kröfu­gerð verka­lýðs­hreyf­ing­ar­innar í þeirri erf­iðu kjara­deilu sem nú er uppi. "Af­neitun af þessu tagi ber vott um tak­mörkuð veru­leika­tengsl og herðir aðeins hnút­inn sem að þarf að leysa. Afstaða atvinnu­rek­enda er ögrandi og skaðar það traust sem þarf að ríkja á milli aðila sem verða að ná samn­ing­um. Verk­efnið fer ekk­ert, það verður bara erf­ið­ara við­fangs. Mið­stjórn ASÍ vísar því ábyrgð á stöðu mála í kjara­deil­unum alfarið á hendur SA. Komi til víð­tækra verk­falla á almennum vinnu­mark­aði síðar í mán­uð­inum er það á ábyrgð sam­taka atvinnu­rek­enda," segir í til­kynn­ing­unni.

Kjara­við­ræður í algjörum hnút

Í gær var upp­lýst um að samn­inga­við­ræðum SA við VR og Flóa­banda­lagið  hjá rík­is­sátt­ar­semj­ara hefði veirð slit­ið.

Í til­kynn­ingu frá SA vegna þessa seg­ir: „Staðan í kjara­deil­unum er nú mjög flókin og fáir góðir kostir í boði. Vand­séð er að hægt sé að forða víð­tækum verk­föllum verka­lýðs­hreyf­ing­ar­inn­ar. Afleið­ingar þeirra verða alvar­legar fyrir bæði launa­fólk, fyr­ir­tæki og þjóð­ar­hag. Verði ítr­ustu kröfur verka­lýðs­fé­lag­anna knúnar fram með verk­föllum verða afleið­ing­arnar hins vegar enn verri. Verð­tryggðar skuldir heim­ila og fyr­ir­tækja munu hækka mik­ið, vextir hækka og störfum fækka. Við slíkum búsifjum má Ísland vart við um þessar mundir en verka­lýðs­for­ystan hefur valið að fara þá leið. Þessi nið­ur­staða veldur Sam­tökum atvinnu­lífs­ins miklum von­brigð­um.

Sam­tök atvinnu­lífs­ins hafa verið til­búin að koma til móts við kröfur verkslýðs­fé­lag­anna um veru­lega hækkun lægstu launa og umtals­verða hækkun dag­vinnu­launa fyrir þriggja ára samn­ing, eða sem nemur um 24% hækk­un. Þessu boði höfn­uðu verkslýðs­fé­lögin í dag án þess að leggja fram nokkrar raun­hæfar lausnir um nýjan kjara­samn­ing sem tryggir launa­fólki auk­inn kaup­mátt, við­heldur lágri verð­bólgu og jafn­vægi í efna­hags­líf­in­u.“

Félags­menn VR sam­þykktu verk­fall

Fé­lags­menn VR sam­þykktu verk­falls­boðun í atkvæða­greiðslu sem lauk á hádegi í gær Verk­föll innan VR munu hefj­ast þann 28. maí með tveggja daga verk­falli starfs­manna í hóp­bif­reiða­fyr­ir­tækj­um. Fleiri starfs­greinar munu svo fylgja í kjöl­farið og ótíma­bundið alls­herj­ar­verk­fall á að hefj­ast þann 6. júní.

Ann­ars vegar var kosið meðal félags­manna sem starfa í fyr­ir­tækjum innan Sam­taka atvinnu­lífs­ins og hins vegar innan Félags atvinnu­rek­enda. Hjá SA sögðu 58 pró­sent já við boðun verk­fall, en þátt­takan var rúm 25 pró­sent. Hjá FA sögðu 57,4 pró­sent já en kosn­inga­þátt­taka var tæp­lega 30 pró­sent.

Starfs­menn í hóp­bif­reiða­fyr­ir­tækjum fara sem fyrr segir í tveggja daga verk­fall 28. maí. 30. maí fer starfs­fólk á hót­el­um, gisti­stöðum og bað­stöðum í verk­fall og 31. maí starfs­fólk í flug­afgreiðslu. 2. júní fer starfs­fólk í skipa­fé­lögum og mat­vöru­versl­unum í verk­föll og 4. júní starfs­fólk olíu­fé­laga. Öll verk­föllin eru tveggja sól­ar­hringa verk­föll.

Þann 6. júní mun svo hefj­ast ótíma­bundið alls­herj­ar­verk­fall hjá öllum félags­mönnum VR, LÍV og Flóa­banda­lags­ins. Þann sama dag mun ótíma­bundin vinnu­stöðvun hefj­ast hjá félags­mönnum Starfs­greina­sam­bands­ins sem hafa farið í reglu­leg sól­ar­hrings­verk­föll frá því í lok apr­íl. Alls eru félags­menn þeirra félaga sem fara í alls­herj­ar­verk­fall, semj­ist ekki fyrir 6. júní, um 65 þús­und tals­ins.