Alþýðu­sam­band Íslands (ASÍ) hefur skorað á íslensk stjórn­völd að taka starf­semi Pri­mera Air og Pri­mera Air Nor­dic til „ræki­legrar skoð­unar og stöðva starf­semi þeirra.“ Sam­bandið segir að félögin brjóti lög og kjara­samn­inga á því starfs­fólki sem sinnir flugi fyrir þau hér á landi. Pri­mera Air hefur hafnað þessu. ASÍ seg­ist hafa gögn undir höndum sem sýni fram á brot Pri­mera, og hefur afhent Vinnu­mála­stofnun gögn­in.

Í bréfi Magn­úsar M. Norð­da­hl, lög­manns ASÍ, seg­ir að íslensk lög gildi um rétt­ar­stöðu áhafna hjá flug­fé­lag­inu, hvort sem þær hafi verið ráðnar beint til félags­ins eða í gegnum starfs­manna­leig­ur. Því eigi að fara eftir íslenskum kjara­samn­ingum og íslenskum lögum þegar kemur að lág­marks­launum og kjör­um. Flug­liðar hjá Pri­mera fái hins vegar að jafn­aði 206.580 krónur í verk­taka­laun þegar lág­marks­laun Flug­freyju­fé­lags Íslands sam­kvæmt kjara­samn­ingum eru á milli 230 og 250 þús­und. Þá eigi eftir að taka til­lit til ýmissa ann­arra greiðslna.

Þá segir ASÍ einnig að sam­kvæmt lögum hafi fyr­ir­tæki eins og Pri­mera Air Nor­dic, sem hafi starfs­menn á Íslandi í 10 daga eða meira á 12 mán­aða tíma­bili, upp­lýs­inga­skyldu gagn­vart hinu opin­bera. Vinnu­mála­stofnun kann að óska eftir ýmsum upp­lýs­ingum eins og ráðn­ing­ar­samn­ing­um. Ef fyr­ir­tæki sinna ekki skyldum sínum eða brjóta gegn ákvæðum um lág­marks­kjör og rétt­indi má Vinnu­mála­stofnun krefj­ast þess að lög­regla stöðvi vinnu tíma­bundið eða loki starf­semi þar til úrbætur hafa verið gerð­ar.

„Von­andi bregst fyr­ir­tækið hratt og vel við athugun Vinnu­mála­stofn­unar og kemur starf­semi sinni í lög­mætt horf. Ef ekki, standa ýmis þving­unar­úr­ræði verka­lýðs­hreyf­ing­unni til boða sem beina má gegn hlut­að­eig­andi fyr­ir­tækjum til þess að koma í veg fyrir ólög­mæt félags­leg und­ir­boð því fyr­ir­tæki sem gera slíkt eru frið­laus hér á landi og erlend­is.“

Grískar flug­freyjur voru ráðnar sem verk­takar til félags­ins frá ára­mótum í gegnum starfs­manna­leigu á Guernsey, að því er fram kom í umfjöllun mbl.is um málið á dög­un­um. Þar kom fram að grunn­launin væru 60 þús­und krónur auk pró­sentu af sölu um borð í vél­inni.