Máli slita­bús Kaup­þings gegn Ágústi Guð­munds­syni, for­stjóra Bakka­var­ar, var vísað frá dómi í gær, en Kaup­þing stefndi Ágústi þar sem hann hafði ábyrgst skuld Júl­í­usar Jón­as­son­ar, sem var starfs­maður einka­banka­þjón­ustu bank­ans, skömmu fyrir fall hans.

Krafan á hendur Ágústi var upp á rúm­lega 30 millj­ónir króna. Óskar Sig­urðs­son hrl., lög­maður slita­bús Kaup­þings í mál­inu, segir að nið­ur­staðan verði kærð til Hæsta­rétt­ar, en slita­búið var jafn­framt dæmt til þess að greiða Ágústi 450 þús­und í máls­kostn­að.

Er nið­ur­staða Hér­aðs­dóms meðal ann­ars sú að málið sé van­reif­að, að hálfu slita­bús Kaup­þings, og ekki hafi verið gert nægi­lega grein fyrir því hverjar „hinar sak­næmu og ólög­mætu athafn­ir“ hafi ver­ið.

Í des­em­ber 2012 féll dómur þess efnis að Júl­íus þyrfti að end­ur­greiða Kaup­þingi 28,3 millj­ónir til baka eftir að Hér­aðs­dómur Reykja­víkur felldi úr gildi þá ákvörðun stjórnar og stjórn­enda ­Kaup­þings að fella niður per­sónu­legar ábyrgðir á lánum starfs­manna til hlut­bréfa­kaupa.

Júl­íus tók lán hjá Kaup­þingi í erlendri mynt til þess að kaupa hluta­bréf í Kaup­þingi, 29. ágúst 2007. Um kúlúlán í erlendri mynt var að ræða, og átti að greiða lánið upp 1. sept­em­ber 2010. Sam­hliða lána­samn­ingum gaf Júl­íus út yfir­lýs­ingu þar sem hann lagði bank­anum að hand­veði hluta­bréf sín í bank­anum og einnig hluta­bréf í Bakka­vör Group. Í yfir­lýs­ing­unni var einnig veitt heim­ild til þess að krefja Júl­íus um frek­ari trygg­ing­ar.

Ágúst Guð­munds­son. Mynd: Bakka­vor.com.

Þegar líða tók á árið 2008, og halla tók hratt undan fæti hjá Kaup­þingi og íslensku fjár­mála­kerfi, krafð­ist bank­inn frek­ari trygg­inga. Þá kom Ágúst Guð­munds­son til skjal­anna, og lagði fram frek­ari trygg­ingar fyrir allri skuld Júl­í­usar við bank­ann, hlut­deild­ar­skír­teini í rík­is­verð­bréfa­sjóði KAUP GBM.

Málið á rætur að rekja til þess­ara trygg­inga, en Júl­íus reynd­ist ekki geta greitt skuld­ina til baka, eftir að ákvörð­un­inni um nið­ur­fell­ingu per­sónu­legrar ábyrgða hans var rift. Þess vegna beindust spjótin að Ágústi og þeirra trygg­inga sem hann lagði fram.

Lesa má úrskurð Hér­aðs­dóms Reykja­víkur hér að fram­an.