Bald­vin Þór Bergs­son hefur verið ráð­inn einn umsjón­ar­manna Kast­ljóss í stað Sig­mars Guð­munds­son­ar. Bald­vin starf­aði um ára­bil sem frétta­stjóri og vak­stjóri á frétta­stofu RÚV. Und­an­farin ár hefur hann búið erlend­is, meðal ann­ars í Sví­þjóð. Bald­vin hefur skrifað vin­sælar frétta­skýr­ingar fyrir Kjarn­ann und­an­farin miss­eri. Starfs­mönnum RÚV var til­kynnt um ráðn­ing­una á innri vef fyr­ir­tæk­is­ins í dag. Bald­vin mun koma til starfa 24. ágúst næst­kom­andi.

Bald­vin Þór Bergs­son.

Þann 24. júlí var til­kynnt að Þóra Arn­órs­dótt­ir, frétta- og dag­skrár­gerð­ar­kona, hefði verið ráðin rit­stjóri Kast­ljóss. Þóra hefur gegnt starfi aðstoð­ar­rit­stjóra frétta­skýr­ing­ar­þátt­ar­ins og verið rit­stjóri hans í fjar­veru Sig­mars Guð­munds­son­ar. Sig­mar mun fara í önnur störf hjá RÚV, en ekki hefur verið til­kynnt um hvaða störf það eru. Þátt­ur­inn er nú í sum­ar­fríi en fer aftur í loftið þann 24. ágúst næst­kom­andi.

Þóra sagði í sam­tali við Kjarn­ann í kjöl­far ráðn­ing­ar­innar að þátt­ur­inn muni taka ein­hverjum breyt­ing­um, en að hún muni áfram leita til Sig­mars, sem hafði verið hluti af Kast­ljósi í þrettán ár. Hún sagði Kast­ljós vera mik­il­vægan hluta af dag­skrá RÚV. „Þátt­ur­inn verður enn öfl­ugri og það verða fleiri sem munu koma að hon­um. Þetta skýrist allt í ágúst,“ segir hún.