Ferða­menn frá Banda­ríkj­unum keyptu þjón­ustu með greiðslu­kortum fyrir um 19,2 millj­arða í fyrra. Á síð­ustu tveimur árum hafa banda­rískir ferða­menn keypt þjón­ustu hér á landi fyrir 34 millj­arða króna. Bretar koma þar á eftir og keyptu þjón­ustu með kortum sínum fyrir 25 millj­arða króna á árunum 2013 og 2014.

„Eft­ir­tekt­ar­vert er að korta­velta nor­rænu nágranna­þjóð­anna er rétt um helm­ingur þess sem Banda­ríkja­menn greiða með kortum sínum eins og sjá má á mynd­inni hér að neð­an,“ segir í til­kynn­ingu frá Rann­sókn­ar­setri versl­un­ar­inn­ar.

Hótel og gisti­hús er sá flokkur ferða­þjón­ustu sem aflar mestra tekna af erlendum ferða­mönnum ef horft er til erlendrar greiðslu­korta­veltu hér á landi, sam­kvæmt til­kynn­ingu Rann­sókn­ar­set­urs versl­un­ar­inn­ar. Íslensk verslun er svo í öðru sæti yfir þá útgjalda­flokka sem njóta góðs af hratt vax­andi útgjöldum erlendra ferða­manna. Þar á eftir er sá flokkur ferða­þjón­ustu sem býður skipu­legar ferðir eins og hvala­skoð­un, skoð­un­ar­ferð­ir, rútu­ferðir o. s. frv.

Korta­velta erlendra ferða­manna nær hámarki ár hvert í júlí, á háanna­tíma í ferða­þjón­ust­unni. Í fyrra var veltan í júlí 18,3 millj­arðar króna og hefur aldrei verið meiri.