Birna Anna Björns­dóttir hefur keypt 7,2 pró­sent hlut í Kjarn­anum miðlum ehf. Hún er því komin í breiðan hóp hlut­hafa Kjarn­ans, sem hyggur á frek­ari upp­bygg­ingu og vöxt á næstu miss­er­um.

„Með þeim hröðu og miklu breyt­ingum sem eru að eiga sér stað í fjöl­miðlun skiptir máli að hlúa að sjálf­stæðri og vand­aðri blaða­mennsku. Kjarn­inn hefur þegar sannað sig sem spenn­andi og öfl­ugur mið­ill og ég hlakka til að taka þátt því að því móta fram­tíð hans,“ segir Birna Anna.

Birna Anna hefur mikla reynslu af rit­störfum og blaða­mennsku. Starf­aði meðal ann­ars sem blaða­maður Morg­un­blaðs­ins á árunum 1998 til 2008, ýmist í fullu starfi eða hluta­starfi með­fram námi. Hún er með BA próf í heim­speki frá Háskóla Íslands og MA próf í bók­mennta- og menn­ing­ar­fræðum frá New York Uni­versity (NYU). Hún er búsett í New York ásamt manni sínum og tveimur börn­um.

Birna Anna hefur skrifað bæk­urnar Klisju­kenndir (Mál og menn­ing 2004) og Dís (For­lagið 2000). Þá skrif­aði hún kvik­mynda­hand­rit sam­nefndrar kvik­mynd­ar, Dís, sem frum­sýnd var árið 2004.

Lít­ils­háttar breyt­ingar hafa orðið á hlut­hafa­hópnum frá því til­kynnt var um hluta­fjár­aukn­ingu, nýja stjórn og ráð­gjafa­ráð. Breyt­ing­arnar hafa verið til­kynntar til fjöl­miðla­nefndar líkt og lög gera ráð fyr­ir. Magnús Hall­dórs­son og Þórður Snær Júl­í­us­son, sem eru í hópi stofn­enda og starfs­manna Kjarn­ans, tóku þátt í hluta­fjár­aukn­ing­unni og eru nú stærstu ein­stöku hlut­hafar félags­ins með 13,9 pró­sent hlut hvor. Stofn­endur félags­ins og starfs­menn eiga rúman meiri­hluta, eða tæp­lega 63 pró­sent hluta­fjár.

Í stjórn Kjarn­ans eru Hjálmar Gísla­son, for­mað­ur, Vil­hjálmur Þor­steins­son og Guð­rún Inga Ing­ólfs­dótt­ir.

Eig­endur Kjarn­ans eru eft­ir­far­andi:

• Magnús Hall­dórs­son, 13,90%



• Þórður Snær Júl­í­us­son, 13,90%



• Mið­eind ehf., í eigu Vil­hjálms Þor­steins­son­ar, 12,77%



• Hjalti Harð­ar­son, 9,44%



• Gísli Jóhann Eysteins­son, 9,44%



• Ægir Þór Eysteins­son, 9,44%



• HG80 ehf. í eigu Hjálm­ars Gísla­son­ar, 7,55%



• Birna Anna Björns­dótt­ir, 7,20%



• Fagri­skógur ehf., í eigu Stef­áns Hrafn­kels­son­ar, 5,80%



• Ágúst Ólafur Ágústs­son, 4,64%



• Jónas Reynir Gunn­ars­son, 2,96%



• Birgir Þór Harð­ar­son, 2,96%