Bjarni Bene­dikts­son, fjár­mála- og efna­hags­ráð­herra og for­maður Sjálf­stæð­is­flokks­ins, segir að Hanna Birna Krist­jáns­dótt­ir, vara­for­maður flokks hans, hafi stigið stórt skref með því að segja af sér emb­ætti inn­an­rík­is­ráð­herra vegna leka­máls­ins. Hann við­ur­kennir hins vegar að Hanna Birna hefði átt að segja af sér fyrr. „Það er auð­velt að segja það eftir á. Ég get ekki úti­lokað að þetta hafi skemmt fyrir flokknum en ég varð ekki var við áber­andi breyt­ingu á stuðn­ing­i.“ Þetta kemur fram í við­tali við Bjarna í Frétta­blað­inu í dag.

Bjarna finnst að athyglin í leka­mál­inu hafi þó verið of mikil á Hönnu Birnu, sem hafi ekk­ert með lek­ann sjálfan að gera. Aðal­at­rið­in, að starfs­maður inn­an­rík­is­ráðu­neyt­is­ins hafi brugðið fæti fyrir ein­stak­ling em leit­aði skjóls í ráðu­neyt­inu, hafi ekki verið nægi­lega í for­grunni í umræð­unni. Sá starfs­maður er Gísli Freyr Val­dórs­son, fyrrum aðstoð­ar­maður Hönnu Birnu, sem hlaut skil­orðs­bund­inn dóm fyrir lek­ann í nóv­em­ber í fyrra.

Hanna Birna Krist­jáns­dótt­ir, fyrrum inn­an­rík­is­ráð­herra.

Stjórn­ar­flokk­arnir hafa tek­ist harka­lega á

Bjarni fer um víðan völl í við­tal­inu við Frétta­blaðið og ræðir meðal ann­ars stjórn­ar­sam­starf­ið. Þar seg­ist hann ekki eiga í miklu sam­bandi við Sig­mund Davíð Gunn­laugs­son for­sæt­is­ráð­herra utan vinnu en að sam­starfið gangið ágæt­lega. Vissu­lega hafi flokk­arnir tveir sem mynda rík­is­stjórn þó tek­ist á. „Við höfum tek­ist harka­lega á um hluti, það er hluti af starf­inu. En kúnstin felst í því að vera mátu­lega ýtinn á eigin mál­stað en nægi­lega skiln­ings­ríkur fyrir mál­stað sam­starfs­flokks­ins.“

Bjarni ræðir lika ætt­ar­tengsl sín, en hann er Eng­ey­ing­ur, og meint tengsl við eina umdeild­ustu valda- og við­skipta­blokk á Íslandi, hinn svo­kall­aða Kol­krabba. Bjarni segir í við­tal­inu: "Ég er ekki Kol­krabb­inn. Það er ekk­ert erfitt að vera ég, það er bara fínt. Eng­ey­ingar eru stór ætt og fáir í póli­tík. Margir hafa náð langt, já. Er ein­hver við­skipta­valda­blokk á bak við? Nei. En það er gaman að því þegar menn búa til frasa um fyr­ir­bæri sem eru til sum hver tíma­bund­ið. Sumar valda­blokkir sem skrifað var um á tíunda ára­tugnum eru gufaðar upp.“