Björg­vin G. Sig­urðs­son, fyrr­ver­andi við­skipta­ráð­herra, var rek­inn úr starfi sveit­ar­stjóra Ása­hrepps síð­ast­lið­inn föstu­dag. Hann varð upp­vís að fjár­drætti í starfi sínu fyrir hrepp­inn, að því er fram kemur í Frétta­blað­inu í dag. Hann var í sjö­tíu pró­sent starfi sem sveit­ar­stjóri eftir að hafa verið ráð­inn í starfið í júlí í fyrra.

„Þetta er leið­inda­mál sem kom bless­un­ar­lega mjög fljótt upp á yfir­borð­ið,“ segir Egill Sig­urðs­son, odd­viti Ása­hrepps, í sam­tali við Frétta­blaðið. „Líkt og flest sveit­ar­fé­lög og fyr­ir­tæki gera þá er það ekki sami maður sem bók­ar, sam­þykkir og greið­ir. Það kerfi virk­aði sem skyldi í þessu máli,“ segir Egill.

Egill segir í sam­tali við Frétta­blaðið að upp­hæðin sem um ræð­ir ­nemi hund­ruðum þús­unda en sé undir milljón króna. Björg­vin hafi haft til umráða greiðslu­kort frá sveit­ar­fé­lag­inu sem hann nýtti til per­sónu­legra nota.

„Við getum sagt með nokk­urri vissu að þetta hafi haf­ist í októ­ber­mán­uði í fyrra. Fyrst með litlum greiðslum hér og þar, en vatt upp á sig líkt og snjó­bolti sem rúllar niður brekku,“ segir Egill.

Á árunum 2007 til 2009 var hann við­skipta­ráð­herra. Hann var þing­maður Sam­fylk­ing­ar­innar í Suð­ur­kjör­dæmi um tíu ára skeið, frá 2003 til 2013 og er enn vara­þing­maður fyrir Sam­fylk­ing­una.

„Björg­vin á inni hjá okkur hálfs­mán­að­ar­laun auk upp­safn­aðs orlofs. Því verður skulda­jafnað og svo verður staðan tekin í kjöl­far­ið,“ segir Egill en hann á von á því að málið verið gert upp að fullu um næstu mán­að­ar­mót, að því er fram kemur í Frétta­blað­inu.

Björg­vin starfar nú sem annar tveggja rit­stjóra vef­síð­unnar Herðu­breið­ar.