Pressan ehf., móð­ur­fé­lag Vef­pressunnar og vef­miðl­anna Pressunn­ar, Eyj­unnar og Bleikt, hefur náð sam­komu­lagi við eig­endur meiri­hluta hluta­fjár í útgáfu­fé­lag­inu DV ehf. um kaup á ráð­andi hlut í félag­inu. Þetta kemur fram í til­kynn­ingu sem Björn Ingi Hrafns­son, eig­andi Pressunn­ar, sendi fjöl­miðlum nú rétt í þessu. Þar kemur jafn­framt fram að með kaup­unum sé útgáfu DV og dv.is tryggð til fram­tíðar og DV verið áfram rekið sem sjálf­stæður og óháður fjöl­mið­ill.

Með kaup­unum er Pressan ehf. orðin eig­andi ríf­lega tveggja þriðju hluta­fjár í DV ehf. og hafa við­skiptin verið til­kynnt, lögum sam­kvæmt, til Sam­keppn­is­eft­ir­lits­ins og Fjöl­miðla­nefnd­ar. Sam­run­inn kemur ekki til fram­kvæmda fyrr en Sam­keppn­is­eft­ir­litið hefur sam­þykkt kaup­in.

Núver­andi stjórn­ar­for­maður DV Þor­steinn Guðna­son mun áfram eiga sæti í stjórn félags­ins og Steinn Kári Ragn­ars­son verður fram­kvæmda­stjóri. Þá mun Hall­grímur Thor­steins­son, nýráð­inn rit­stjóri DV, gegna stöð­unni áfram.

Björn Ingi Hrafns­son, stjórn­ar­for­maður Pressunnar og Vef­pressunn­ar, verður útgef­andi DV og stjórn­ar­for­maður félags­ins. Í áður­nefndri til­kynn­ingu segir enn frem­ur: „Þegar sam­þykki Sam­keppn­is­eft­ir­lits­ins liggur fyrir verður nán­ari grein gerð fyrir marg­vís­legum áformum til að treysta rekstur blaðs­ins og sækja fram með nýstár­legum hætti til fram­tíð­ar. Jafn­framt verður gerð grein fyrir eign­ar­haldi eftir þessar breyt­ingar í sam­ræmi við lög um Fjöl­miðla­nefnd.“